Եկեք «տրագեդիա» չսարքենք և թույլ տանք այս օրենքն ընդունվի. Գագիկ Ջհանգիրյան (տեսանյութ)
Ազգային Ժողովում այսօր քննարկվում է անկախ պատգամավոր Էդմոն Մարուքյանի և ՀՀԿ-ական Արփինե Հովհաննիսյանի հեղինակած «Զինծառայողների և նրանց ընտանիքների անդամների սոցիալական ապահովության մասին» ՀՀ օրենքում լրացումներ ու փոփոխություններ կատարելու մասին օրենքի նախագիծը:
ՀԱԿ խմբակցության պատգամավոր Գագիկ Ջհանգիրյանը ելույթով հանդես եկավ և հորդորեց կողմ քվեարկել նախագծին:
«Մեկ-մեկ զարմանում եմ, որ մեր Ազգային ժողովը այնպիսի հարցերի վրա է կենտրոնանում, երկար քննարկում, երբ դրա անհրաժեշտությունը չի լինում: Երեք տարի առաջ ես խնդրեցի, բարձրաձայնեցի, որ «Զինծառայողների և նրանց ընտանիքների սոցիալական ապահովության մասին» օրենքը հնացել է: Էն ժամանակ պարոն Աբրահամյանն էր Ազգային ժողովի նախագահը, ասացի, պարոն Աբրահամյան, հիմա էլ ասում եմ, պարոն Սահակյան, եկեք աշխատանքային խումբ ստեղծենք և այս օրենքը վերանայենք: Հիմա այն, ինչ անում է Մարուքյանը, կներեք, փոքր դետալ է, բայց լավ բան է անում, ուղղակի չգիտեմ կանեն, թե ոչ, քանի որ հասկանում եմ, որ օրենքի ընդունումը պետբյուջեի համար լրացուցիչ ծախս է սահմանելու»,- ասաց Գ.Ջհանգիրյանը և միաժամանակ հավելեց, որ չի կարծում, թե որևէ պաշտոնյա կլինի, որ դեմ կլինի այս օրենքի ընդունմանը:
«Եթե Ձեզ թվում է, թե մարտական հերթապահությունը տենց հաճելի բան է, ապա ասեմ, որ մեր զինծառայողները, նրանց հարազատները, բարեկամները առավոտից իրիկուն, ծանոթություններ և նաև ապօրինի միջոցներ գործադրելով՝ ցանկանում են խուսափել, նախ՝ առաջին գծում ծառայելուց, հետո՝ մարտական հերթապահություն կրելուց»,- ասաց Ջհանգիրյանը և ավելացրեց, որ զինծառայողների ընտանիքներն ամեն քայլի դիմում են երեխաներին կապի վրա, խոհանոցում տեղավորելու համար:
Նրա խոսքերով՝ հասկանում են, որ դա խիստ վտանգավոր և բարդ ծառայության տեսակ է, հետևաբար՝ վերաբերմունքն էլ, որպես պատգամավորներ, որպես խորհրդարան, պետք է առանձնահատուկ լինի այդ մարտական ծառայության մեջ ներգրավված զինծառայողների նկատմամբ: «Հատկապես, եթե նրանք ոչ իրենց մեղքով խեղում կամ հիվանդություն են ստանում»,- նշեց պատգամավորը:
Ըստ Գ.Ջհանգիրյանի՝ ընդամենը մի քանի զորամասեր կան, որոնք ամենօրյա մարտական հերթապահություն չեն իրականացնում: Այսինքն, ըստ էության, այս խնդիրը մեծամասամբ տարածվում է գրեթե բոլոր զորամասերի և զինծառայողների վրա:
«Ուզում եմ ասեմ` եկեք ստեղ «տրագեդիա» չսարքենք և թույլ տանք այս օրենքը ընդունվի, քանի որ շատ լավ օրենք է, իսկ եթե Դուք ուզում եք հարցը սկզբունքային լուծենք և բոլորի համար լուծենք, մեկ անգամ ևս առաջարկում եմ` եկեք վերանայենք «Զինծառայողների և նրանց ընտանիքների անդամների սոցիալական ապահովության մասին» օրենքը»,- եզրափակեց Գ. Ջհանգիրյանը:
Թեմային առնչվող հրապարակումներ՝
Արտերկրում պետության հաշվին զինծառայողների բուժման մասին օրինագիծն ընդունվեց առաջին ընթերցմամբ
Հիվանդ զինծառայողների անվճար բուժմանը վերաբերող օրինագծում Ջհանգիրյանը մտահոգիչ տարրեր է գտել
Ցանկացած վայրահաչոց հայոց բանակի նկատմամբ, վայրահաչոց է իմ հայրենիքի նկատմամբ. Շարմազանով (տեսանյութ)
Արտերկրում պետության հաշվին զինծառայողների բուժման մասին օրինագիծը երկար բանակցությունների արդյունք էր. Մարուքյան
Պատգամավորն առաջարկում է զինծառայողների բուժումն արտերկրում կազմակերպելը դարձնել պետության պարտականություն
Չեմ կարծում՝ Հայաստանում կլինի որևէ անձնավորություն, ով դրական չվերաբերվի նման նախաձեռնությանը. Էդմոն Մարուքյան
Կառավարությունը հավանություն տվեց Էդմոն Մարուքյանի օրենսդրական նախաձեռնությանը
Լրահոս
Տեսանյութեր
Փաշինյանն ընդամենը մի տհաճ խոչընդոտ է հայրենիք ունենալու ճանապարհին. Զոհված զինծառայողի մայր