««Ոչ թալանին» նախաձեռնությունը մտնում է պայքարի նոր փուլ». Արթուր Քոչարյան
««Ոչ թալանին» նախաձեռնությունը մտնում է պայքարի նոր փուլ: Շարունակում ենք պայքարը շատ ավելի լայն ֆորմատով: Կլինեն հանրային քննարկումներ, կձևավորվեն իրավաբանական, տնտեսագիտական խմբեր: Միաժամանակ շարունակելու ենք փողոցային պայքարը»,- Ազատության հրապարակում լրագրողներին հայտարարեց «Ոչ թալանին» նախաձեռնության անդամ Արթուր Քոչարյանը:
Նա նշեց, որ նախագահ Սերժ Սարգսյանի հայտարարությունը չի բավարարում իրենց, հետևողական են լինելու իրենց պահանջների լիարժեք կատարման հարցում՝ վերանայել և չեղյալ հայտարարել Հանրային ծառայությունները կարգավորող հանձնաժողովի հունիսի 17-ի՝ էլեկտրաէներգիայի սակագինը օգոստոսի 1-ից թակացման որոշումը, նվազեցնելու նպատակով վերանայել անցած տարվա ընդունած սակագինը, պատժել այն ոստիկաներին, որոնք բռնություն են կիրառել խաղաղ ցուցարաների նկատմամաբ:
Ա. Քոչարյանն ասաց, որ այսօր հանրային քննարկում է լինելու մասնագետների հետ:
Նա ընդգծեց, որ «Ոչ թալանին» նախաձեռնությունն այս պահին Բաղրամյան պողոտայում համակարգող խումբ չէ: Ա. Քոչարյանը նշեց, որ «Ոչ թալանին» նախաձեռնությունը չի պառակտվել:
Հիշեցնենք, հունիսի 22-ից Բաղրամյան պողոտայի սկզբնամասում շարունակվում է էլեկտրաէներգիայի սակագնի թանկացման որոշման դեմ բողոքի հավաքը: Նախօրեին բողոքող քաղաքացիների մի մասը որոշեց իր պայքարը շարունակել Ազատության հրապարակում, մի մասն էլ շարունակում է մնալ Բաղրամյան պողոտայում:
Նախորդող հրապարակումներ՝
Բաղրամյան պողոտա. «Հարցերին ես եմ պատասխանում»
Վ.Շուշանյան. Ռադիկալ գործողությունների դրդողների էմոցիաների տակ երեկ մեծամասնությունը մնաց Բաղրամյան պողոտայում
Բաղրամյան պողոտա. «Լիդերի հարց լինելու խնդիր չկա»
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ