ՍԴՀԿ. Կառավարությունը ոչ միայն չպետք է թույլ տա էլեկտրաէներգիայի թանկացումը, այլև պետք է քայլեր կիրառի՝ այն էժանացնելու համար
Սոցիալ Դեմոկրատ Հնչակյան կուսակցությունը իր խոր մտահոգությունն է հայտնում էլեկտրաէներգիայի կտրուկ թանկացման հայտի կապակցությամբ:
«1. Ի սկզբանե բաշխիչ էլեկտրացանցերի մասնավորեցման գործընթացը տեղի ունեցավ բազմաթիվ խախտումներով: ՀՀ կառավարության և Համաշխարհային բանկի կողմից հայտարարված մրցույթի բոլոր պահանջներն, ըստ էության խախտվեցին, և էլեկտրացանցերի սեփականատեր դարձավ օֆշորային ընկերություն:
2. Բաշխիչ ցանցերի սեփականատաիրոջ կողմից խախտվել են պայմանագրով նախատեսված բազմաթիվ կետեր, այդ թվում` ծավալուն ներդրումներով համակարգն արդիականացնելու և էլեկտրաէներգիայի կորուստները կրճատելու ուղղությամբ, որի համար հորդորում ենք ՀՀ կառավարությանը ձեռնարկել համարժեք քայլեր:
3. Բնակչությունը չպետք է վճարի էլեկտրաէներգիայի մատակարարման ոլորտում տեղ գտած ապօրինությունների, շորթումների և չհիմնավորված ծախսերով պայմանավորված ուռճացված սակագինը:
4. Անհրաժեշտ է մանրակրկիտ հաշվետվություն պահանջել բաշխիչ էլեկտրացանցերի սեփականատիրոջից և պատասխանատվության ենթարկել վերջինիս` բոլոր հանցավոր գործողությունների համար:
5. Իրականում կան հնարավորություններ` ոչ միայն չթանկացնելու էլեկտրաէներգիայի սակագինը, այլև իջեցնելու այն. բազմաթիվ կայանների արտադրած էլեկտրաէներգիայի ինքնարժեքը վաճառվող գնի կեսն էլ չի կազմում, ինչը վկայում է գերշահույթների առկայության մասին: Միայն Տաթև ՀԷԿ-ի արտադրած էլեկտրաէներգիայի ինքնարժեքը տատանվում է մեկ-երկու դրամի սահմաններում, իսկ Վրաստան և Իրան արտահանվող էլեկտրաէներգիայի սակագինը զիջում է ՀՀ-ում սահմանվող սակագնին:
6. Պետք է կյանքի կոչել ակադեմիկոս ՊարիսՀերունու և պրոֆ. Վահան Համազասպյանի կողմից հեղինակած “Հայաստանի հելիոֆիկացիայի ծրագիրը”, որը հնարավորություն է ստեղծում էլեկտրաէներգիայի հանդեպ պահանջարկը գյուղական բնակավայրերում կրճատել կիսով չափ, ինչը նույնպես կթեթևացնի բնակիչների կենցաղային ծախսերը:
Հաշվի առնելով հասարակության մեծ մասի ցածր գնողունակությունը և աղքատության բարձր մակարդակը, ինչպես նաև էլեկտրաէներգիայի սակագնով պայմանավորված` մյուս ապրանքների և ծառայությունների թանկացման անխուսափելիությունը, Սոցիալ Դեմոկրատ Հնչակյան կուսակցությունը գտնում է ՀՀ Կառավարությունը ոչ միայն չպետք է թույլ տա էլեկտրաէներգիայի հետագա թանկացումը, այլ նաև կտրուկ գործողություններ կիրառի՝ այն էժանացնելու համար»,-ասված է ՍԴՀԿ Հայաստանի վարչության տարածած հայտարարության մեջ:
Էլէկտրաէներգիայի թանկացման վերաբերյալ այլ հրապարակումներ՝
Երվանդ Զախարյան. Չեմ կարծում, որ էլեկտրաէներգիան 17 դրամով կթանկանա
Էլեկտրաէներգիայի թանկացման դեմ հաջորդ հավաքը հունիսի 19-ին է. Իսպիրյանը դեմ է
Ազատության հրապարակում մեկնարկում է էլեկտրաէներգիայի թանկացման դեմ երթը
Օպերայի տնօրինությունը հրաժարվում է էլեկտրաէներգիայի թանկացման դեմ հավաքի համար էլեկտրաէներգիա տրամադրել
«Քաղաքական ենթատեքստ եմ տեսնում». տնտեսագետը՝ Էլէներգիայի սակագնի մասին
«Սենսացիա չկա». ՀԷՑ-ն ուղղել է էլէներգիայի սակագնի մասին հայտում տեղ գտած անճշտությունները
Սպառողը չպիտի վճարի գողության համար. Դավիթ Հարությունյան
«Հոսանքի թանկացումն ավելի է աղքատացնելու առանց այն էլ աղքատ ժողովրդին». բողոքի ակցիա ՀԾԿՀ շենքի դիմաց
Բողոքի ակցիա կառավարության դիմաց՝ ընդդեմ էլեկտրաէներգիայի թանկացման
«Ոչ թալանին» քաղաքացիական նախաձեռնությունը հայտարարում է իրազեկման ավտոերթի մասին
Բողոքի մեծ երթ՝ ընդդեմ էլեկտրաէներգիայի թանկացման
Էլեկտրաէներգիայի հնարավոր թանկացման դեմ ՀԱԿ-ը ստորագրահավաք է նախաձեռնել ԱԺ-ում
Էլեկտրաէներգիայի թանկացման դեմ փողոցային պայքարը միակ ճնշող ճանապարհն է. Հանրային քննարկում
«Ոչ թալանին» նախաձեռնությունը կպայքարի էլեկտրաէներգիայի թանկացման դեմ
Այսօրվա հայտն ինձ համար որևէ հիմք չի կարող հանդիսանալ. Ռ.Նազարյանը՝ էլեկտրաէներգիայի սակագնի թանկացման հայտի մասին
Դժբախտաբար, ամեն ինչ մեզանից կախված չէ. Զախարյանը՝ էլէներգիայի սակագնի մասին
Լրահոս
Տեսանյութեր
Հայաստանում շատ են աշխատում, քիչ վճարվում. Աշխատանքի օրը՝ աշխատավորների խնդիրների մասին
