Ես ինձ մեղավոր չեմ զգում. Վարդան Պետրոսյանը պնդել է դատարանում
Այսօր Կոտայքի մարզի ընդհանուր իրավասության դատարանում (Աբովյանի նստավայր) շարունակվեց դերասան Վարդան Պետրոսյանի գործով դատական նիստը: Դատավոր Վաղինակ Մկրտչյանի նախագահությամբ այսօր կայացած նիստում ներկայացվել է մեղադրական եզրակացությունը:
Վարդան Պետրոսյանին մեղադրանք է առաջադրվել այն բանի համար, որ իր անձնական «ԲՄՎ-320» մակնիշի, 04 ավտոմեքենան վարել է Կոտայքի մարզի Սարալանջ գյուղի կողմից դեպի Երևան քաղաքի ուղղությամբ և հասնելով Եղվարդ-Երևան ավտոճանապարհի 2-րդ կմ հատվածին իրականացրել է ոչ պատշաճ և վտանգավոր երթևեկություն` ավտոմեքենան վարել է բնակավայրում սահմանված թույլատրելի առավելագույնը գերազանցող առնվազն ` 71 կմ/ժ արագությամբ և երթևեկության ընթացքում միաժամանակ օգտվելով հեռախոսակապից, ինքն իրեն զրկել է ավտոմեքենայի լիարժեք կառավարումն իրականացնելու տեխնիկական հնարավորությունից:
Այդպիսով, ըստ մեղադրանքի, Պետրոսյանը թույլ է տվել Ճանապարհային երթևեկության կանոնների 65 և 66 կետերի, ինչպես նաև «ճանապարհային երթևեկության անվտանգության ապահովման մասին» ՀՀ օրենքի 23 հոդվածի 3-րդ կետի, 24 հոդվածի 7-րդ կետի «Զ» ենթակետի պահանջներին հակասող գործողություններ, ստեղծել է վթարային իրադրութուն, որի արդյունքում ավտոմեքենան դուրս է բերել երթևեկելի մասից դեպի աջ և առջևի մասով ընդհարվել է հողածածկ կողնակում կանգնած վիճակում գտնվող «Վազ 21214» մակնիշի ավտոմեքենայի հետևի մասին: Բախման հետևանքով «Վազ -21214» մակնիշի ավտոմեքենայի ուղևորներ էդվարդ Արթուրի Հակոբյանին և էդգար Հայկի Հակոբյանին անզգուշությամբ պատճառել է մահ, Տաթևիկ Արթուրի Հակոբյանի առողջությանը, ծանր վնաս` որպես կյանքին վտագ սպառնացող, Հայկ Մարտիրոսի Հակոբյանի, էմմա Հայկի Հակոբյանի ինչպես նաև ավտովարորդ Արթուր Մարտիրոսի Հակոբյանի առողջությանը, միջին ծանրության վնաս` առողջության տևական քայքայումով:
Պետրոսյանին մեղադրանքն առաջադրվել է ՀՀ քրեական օրենսգրքի 242-րդ հոդվածի 3-րդ մասի հատկանիշներով՝ «ճանապարհային երթևեկության կանոնները խախտելը, որն անզգուշությամբ առաջացրել է երկու կամ ավելի մարդու մահ»:
Վարդան Պետրոսյանը, սակայն, մեղադրանքի վերաբերյալ հայտարարեց, որ ինքը չի ընդունում իրեն առաջադրված մեղադրանքը և պնդեց. «Ճանապարհի վրա երթևեկության կանոներ չեմ խախտել, չեմ գերազանցել արագությունը, ես կառավարումը չեմ կորցրել և չեմ մտել կողնակ: Ինձ առաջադրված մեղադրանքի մեջ ես ինձ մեղավոր չեմ զգում»:
Այնուհետև դատարանը անցավ ապացույցների հետազոտման կարգը սահմանելուն, և տուժող կողմի ներկայացուցիչ, փաստաբան Ռուբեն Բալոյանը դատարանին խնդրեց ապացույցների հետազոտման փուլը սկսել ամբաստանյալ Վարդան Պետրոսյանի հարցաքննությամբ, քանի որ նա նախաքննության ընթացքում որևէ ցուցմունք չի տվել:
Սակայն դատարանը որոշեց ապացույցների հետազոտման փուլը սկսել գործում առկա ապացույցների հետազոտումից, իսկ ամբաստանյալի հարցաքննությունը որոշվեց թողնել վերջում` տուժողների ու վկաների հարցաքննությունից հետո:
Նախորդող հրապարակումներ`
Վարդան Պետրոսյանի մեքենայի արագությունից Էդվարդ և Էդգար Հակոբյանների թոքն ու լյարդը պայթել է. Տուժող կողմի արձագանքը
Դատավորը դատախազի միջնորդությունը բավարարել է առանց պատճառաբանության. Վարդան Պետրոսյանի փաստաբան
ՀՔԾ-ի քննությունը նպաստել է, որ Վարդան Պետրոսյանի գործով դատախազը ազատվի աշխատանքից. Փաստաբան
Վարդան Պետրոսյանի ցուցմունք չտալու տակտիկան անարդար է. Տուժող կողմի ներկայացուցիչ
Մինչև Վարդան Պետրոսյանը մեղքը չընդունի, մենք հաշտեցման չենք գնա. Տուժած վարորդ
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին