Ձեր վստահելի աղբյուրը

Լոս Անջելեսի Dolby Theatre -ի դահլիճում կայացել է «Օսկար» 89-րդ մրցանակաբաշխությունը: Բարրի Ջենքինսը «Լուսնի լույս» դրաման արժանացել է «Օսկար» մրցանակաբաշխության գլխավոր մրցանակին՝ «Տարվա լավագույն ֆիլմ»:

Սկզբում հաղորդավարը հայտարարել է, որ այս անվանակարգում «Օսկար» է ստացել «Լա Լա Լենդ»  ֆիլմը: Երբ ֆիլմի ստեղծագործական ֆիլմը դուրս է եկել բեմահարթակ և սկսել շնորհակալական խոսքեր ասել, կազմակերպիչները դուրս են եկել բեմ և հայտարարել, որ այս անվանակարգում հաղթող ֆիլմի հետ կապված սխալմունք է եղել և «Լավագույն ֆիլմ» է ճանաչվել «Լուսնի լույս»-ը:

Մի քանի րոպե բեմում գտնվող մարդիկ չեն հասկացել, թե ինչ է տեղի ունեցել, արդյո՞ք կատակ չէ: Բայց արդյունքում պարզվել է, որ կազմակերպիչները չեն  կատակել և իրականում շփոթել են ֆիլմերը:
Նման խառնաշփոթ ստեղծելու պատասխանատվությունն իր վրա է վերցրել «Օսկար»-ի հաղորդավար Ջիմ Քիմելը:

«Չգիտեմ, ինչ է տեղի ունեցել, բայց մեղքը վերցնում եմ ինձ վրա»,- ասել է նա:

Կազմակերպիչները բացատրել են, թե ինչ սխալ է տեղի ունեցել. «Լավագույն ֆիլմ» անվանակարգում  հաղթող ֆիլմի անունը հայտարարող Ուորեն Բիթթիին  սխալմամբ այլ ծրար են տվել:

«Լա Լա Լենդ» ֆիլմի ռեժիսոր Դեմյեն Շազելն արժանացել է «Օսկար»-ի «Լավագույն ռեժիսոր» անվանակարգում:  Ամերիկացի կոմպոզիտոր  Ջաստին Գուրվիցը երկու մրցանակի է արժանացել այս ֆիլմի երաժշտությունների համար:

«Լավագույն դերասանուհի» անվանակարգում «Օսկար» է ստացել Էմմա Սթոունը («Լա Լա Լենդ»):  «Լավագույն դերասան» անվանակարգում «Օսկար» է ստացել Քեյսի Աֆլեքը («Մանչեսթերը ծովի մոտ»):

Մախերշալա Ալին «Օսկար» է ստացել «Երկրորդ պլանի լավագույն դերասան» անվանակարգում՝ «Լուսնի լույս» ֆիլմում մարմնավորած դերի համար: Աֆրոամերիկացի դերասանուհի Վիոլա Դևիսը  ճանաչվել է «Երկրորդ պլանի լավագույն դերասանուհի» «Ցանկապատեր» ֆիլմում մարմնավորած դերի համար: 

Իրանցի ռեժիսոր Ասգար Ֆարհադի «Վաճառողը» կինոնկարը  ճանաչվել է «Լավագույն օտարալեզու» ֆիլմ: Ֆիլմի ռեժիսորն ու ֆիլմում նկարահանված դերասանները ի նշան բողոքի ԱՄՆ նախագահ Դ.Թրամփի  վարած քաղաքականության՝ ներգաղթյալների  հարցով, հրաժարվել էին մեկնել ԱՄՆ՝ մասնակցելու մրցանակաբաշխությանը:

Ա. Ֆարհադին ուղերձ է հղել՝ շնորհակալություն հայտնելով մրցանակի համար:

«Իմ ներկայությունը կլինի անհարգալից քայլ իմ երկրի և մյուս վեց երկրի նկատմամբ, որոնց քաղաքացիների մուտքն արգելվում է ԱՄՆ: Աշխարհի բաժանում «մեր» և «մեր թշնամիների» միջև վախ է առաջացնում, ռեժիսորները համակրանք են ստեղծում «մեր միջև» և «մյուսների», ինչն այսօր, ինչպես երբեք, անհրաժեշտ է մեզ»,- իր ուղերձում նշել է ռեժիսորը:

Սիրիական պատերազմի մասին «Սպիտակ սաղավարտներ» ֆիլմն արժանացել  է «Օսկար»-ի «Լավագույն կարճամետրաժ վավերագրական ֆիլմ» անվանակարգում:

«Օ.Ջեյ. պատրաստված է Ամերիկայում» մինի-սերիալը «Օսկար» է ստացել «Լավագույն վավերագրական լիամետրաժ ֆիլմ» անվանակարգում:

«Լավագույն սցենարիստ» անվանակարգում մրցանակը շնորհվել է Բարի Ջենքինսին («Մանչեսթերը ծովի մոտ»):

«Լավագույն անիմացոն ֆիլմ» անվանակարգում  «Օսկար» է ստացել «Կենդանապոլիս» ֆիլմը:
ԱՄՆ կինոամադեմիան «Օսկար» է շնորհակել «Լա Լա Լենդ»  ֆիլմի օպերատորին:

Բոլոր անվանակարգները և հաղթողները՝ այստեղ: