«Ելք» դաշինքի հայտարարությունները իրականությանը չեն համապատասխանում. Շարմազանով
««Ելք» դաշինքի կողմից ՀՀԿ-ի մասին արված հայտարարությունները իրականությանը չեն համապատասխանում»,- այս մասին այսօր ՀՀԿ Գործադիր մարմնի նիստից հետո լրագրողների հետ զրույցում ասաց ՀՀԿ մամուլի խոսնակ Էդուարդ Շարմազանովը՝ անդրադառնալով «Ելք» դաշինքի հայտարարությանը, թե ՀՀԿ-ն ընտրակաշառք է բաժանել և որ իրենք ապացույցներ ունեն դրա վերաբերյալ:
«Հայտարարությունները իրականությանը չեն համապատասխանում, ընտրակաշառքների վերաբերյալ կարծիքը կեղծ ահազանգ է, քանի որ այդ տեսանյությում չկա կաշառքի վեաբերյալ որևէ փաստ», - նշեց ՀՀԿ խոսնակը՝ հավելելով, որ եթե կա որևէ դժոհություն, պետք է դիմեն իրավապահ մարմիններին։
«Բոլոր մեղադրանքները մերկապարանոց են, անձամբ ես եմ խնդրել, որ այսօր ՀՀԿ նախընտրական շտաբի պետ Հրայր Անտոնյանն ընդունի Նիկոլ Փաշինյանին, կարծելով, որ նա կունենա պատգամավորին հարիր պահվածք, չնայած ՀՀԿ-ի շտաբերում պարտավոր չեն չսպասված հյուրերի դիմավորել»,- նշեց Էդուարդ Շարմազանովը:
Հարցին, թե Նիկոլ Փաշինյանը հայտարարում է, որ ՀՀԿ բոլոր շտաբերի մոտ կուտակումներ են, ՀՀԿ խոսնակն ասաց. «Որ օրենքով է արգելվում, որպեսզի շտաբերի մոտ քաղաքացիները հավաքվեն, շտաբերը նրա համար են, որպեսզի մեր ակտիվիստները այցելեն մեր շտաբեր: Եթե որոշ թեկնածուներ ակտիվստների պակաս ունեն ու իրենց շտաբերում մարդիկ քիչ են այցելում, ապար ՀՀԿ-ի թեկնածուի ժողովրդականությունն այնքան բարձր է, որ նորմալ է, երբ համախոհները հավաքվում են ՀՀԿ շտաբերում»:
Վերջում ՀՀԿ խոսնակը Նիկոլ Փաշինյանին, Զարուհի Փոստանջյանին և Տարոն Մարգարյանին մաղթեց խաղաղ ու համերաշխ ընտրություն։
Հարակից հրապարակումներ`
- ՀՀԿ. Ներկայացված նյութերը որևէ առնչություն չունեն ՀՀԿ նախընտրական գործունեության հետ
- ՀՀԿ շտաբը հերքում է 20 հազար դրամներ բաժանելու մասին Փաշինյանի հայտարարությունը