ՄԱԿ-ը վրդովված է Հարավային Սուդանում զանգվածային սպանություններով
ՄԱԿ-ի անվտանգության խորհուրդը կոշտ հայտարարություն է ընդունել Հարավային Սուդանում խաղաղապահների հենակետի վրա զինված հարձակման կապակցությամբ, որի արդյունքում զոհվել է նվազագույնը 58 մարդ, հայտնում է «Ինտերֆաքս» լրատվական գործակալությունը:
ՄԱԿ-ը հիշեցրել է Հարավային Սուդանի կառավարությանը, որ խաղաղ բնակիչների և ՄԱԿ-ի խաղաղապահների վրա հարձակումը կարող է գնահատվել որպես ռազմական հանցագործություն:
Հարավային Սուդանի Բոր քաղաքում գտնվող ՄԱԿ-ի հենակետը հանդիսանում է հազարավոր խաղաղ բնակիչների ապաստան, ովքեր լքել են իրենց տները երկրում էթնիկ հիմքով բռնությունների տարածման հետևանքով: Օրերս մոտ 300 զինված անձինք ներխուժել են ՄԱԿ-ի հենակետի տարածք և կրակ բացել: Զոհվածների մեջ կան նաև երեխաներ: ՄԱԿ-ի խաղաղապահներին հաջողվել է հետ մղել հարձակումը:
Նշենք, որ Հարավային Սուդանում իրավիճակը սրվել է 2013թ.-ի դեկտեմբերից, երբ երկրի նախագահ Սալվա Կիիր Մայարդիտայի գվարդիան, որը բաղկացած է դինկա ցեղի ներկայացուցիչներից, փորձել է զինաթափել էթնիկ մեծամասնություն կազմող նուեր ցեղի զինվորներին: ՄԱԿ-ի տվյալներով, երկու շաբաթվա ընթացքում միջցեղային բախումների հետևանքով մոտ 180 հազար խաղաղ բնակիչներ ստիպված են եղել լքել իրենց տները, զոհվել է ավելի քան հազար մարդ:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին