Մոուրինյոն գոհ է նորեկներից
«Չելսիի» գլխավոր մարզիչ Ժոզե Մոուրինյոն գովել է նորեկներին` Դիեգո Կոստային, Դրոգբային, Սեսկ Ֆաբրեգասին ու Լուիս Ֆիլիպեին:
«Դիեգո Կոստան պարզապես ֆանտաստիկ ֆուտբոլիստ է և նկատելիորեն կուժեղացնի մեր թիմի խաղը: Տեխնիկապես չափազանց լավն է: Մեր ֆուտբոլիստներից շատերը զարմացած են, թե այդ հարձակվողն ինչպիսի վարպետություն ունի: Քչերն էին նրանից նման մակարդակ սպասում: Բացի այդ, Դիեգոն շատ ուժեղ է նաև ֆիզիկապես: Առաջինը, որն աչքի է զարնում Կոստայի խաղին հետևելիս, աշխատունակությունն է ու հզորությունը: Մեր հարձակման գիծը` ի դեմս Կոստայի, Տորրեսի ու Դրոգբայի, հրաշալի է և ունիվերսալ: Այդ բաղադրիչով շատ ուժեղ ենք:
Ինչ վերաբերվում է Դրոգբային, ապա նա նախկինի պես «մարդասպանի բնազդ» ունի: Դեռ կարողանում է գոլեր խփել, բացի այդ, ֆիզիկապես շատ ուժեղ է: «Չելսիից» հեռանալուց հետո շատ քիչ է փոխվել: Ձգտում է հաղթել միշտ և ամենուր, նույնիսկ` մարզումների ժամանակ: Կարծում եմ` մեզ համար կարևոր խաղացող կդառնա:
Ֆաբրեգասի մեջ տեսնում եմ ֆուտբոլիստի, ով արագ է մտածում, քան մյուս ֆուտբոլիստների մեծ մասը: Սեսկն այն խաղացողներից մեկն է, որոնց կարիքն ուներ մեր կիսապաշտպանությունը` այլ մակարդակի հասնելու համար: Ֆաբրեգասն ամեն ինչ է կարողանում անել:
Չեմ կարծում, որ Լուիս Ֆելիպեի` Պրեմիեր լիգային հարմարվելու գործընթացը կձգձգվի: Նա շատ փորձառու է, կայուն ու հուսալի: Բրազիլացին այն խաղացողներից է, ովքեր սովորաբար չեն սխալվում: Իսկ պաշտպանից առաջին հերթին դա է պահանջվում: Նա նաև սիրում է միանալ գրոհներին` ակտիվորեն օգտագործելով իր հրաշալի ձախ ոտքը: Նման որակները մեզ պետք են:
Կոստայի, Ֆաբրեգասի ու Ֆիլիպեի շնորհիվ կկարողանանք կայունություն մտցնել կազմում: Վստահ եմ, որ բոլորն էլ հեշտ կհարմարվեն մեր թիմին»,- հայտարարել է Մոուրինյոն:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին