Շանթի և մյուսների գործ.«Ցավալի է, որ մեր ժամանակներում շարունակում են մարդկանց գլխին անհիմն մեղադրանքներ սարքել»
«Ակնհայտ է, որ սույն քրեական գործով նախաքննությունն իրականացվել է միակողմանի, հիմնվել է միայն ոստիկական տուժողների և վկաների ցուցմունքների վրա, որի արդունքում անմեղ անձիք, ովքեր իրականացրել են օրինական գործողություններ, ենթարկվել են բռնություների, այժմ ներկայացվում են խուլիգանություն կատարող անձիք: Ցավալի է, որ մեր ժամանակներում շարունակում են մարդկանց գլխին անհիմն ու անտրամաբանական մեղադրանքներ սարքել»,-«Ցեղակրոն» կուսակցության առաջնորդ Շանթ Հարությունյանի և ընկերների գործով հերթական դատական նիստում իր պաշտպանական ճառում ասաց Շանթ և Շահեն Հարությունյանների, Վարդան Վարդանյանի պաշտպան Ինեսա Պետրոսյանը:
Նա իր խոսքում նշեց, որ 2013թ. հոկտեմբերի վերջին Շանթ Հարությունյանը սկսել է արժեքների հեղափոխություն, նստացույց է արել Ազատության հրապարակում: Նոյեմբերի 5-ին նախատեվսած է եղել երթ: Այս մասին հայտարարվել է: «Ոստիկանների կողմից հատուկ ներդրված քաղաքացիական հագուստով ոստիկանության վեց աշխատակից հատուկ հրահանգներ են ունեցել՝ դիմել սադրիչ գործողությունների: Հենց ոստիկան սադրիչների ներդրումը դարձավ բախումների առիթ, ինչին ձգտում էին դա կազմակերպողները՝ այդկերպ տապալելով խաղաղ երթը: Քաղաքացիական հագուստով սադրիչներն իրենց հատուկ հրահանգավորումները ստանում էին փոխստիկանապետ Օսիպյանից»,- ասաց փաստաբանը:
Նա այլ մանրամասն էլ ներկայացրեց, թե ինչ է տեղի ունեցել նոյեմբերի 5-ին:
Պաշտպանը նշեց, որ Շանթի Հարությունյանի նկատմամբ դատահոգեբանական փորձաքննություն էր նշանակվել, նա տեղափոխվել էր հոգեբուժարան, սակայն հետագայում ապացուցվել էր նրա մեղսունակ լինելու հանգամանքը:
Ի. Պետրոսյանի խոսքով, Շ. Հարությունյանի անչափահաս որդու՝ Շահեն Հարությունյանի գործողություններում ակնհայոտրեն բացակայում է խուլիգանության հանցակազմը, քանի որ նա փորձել է փրկել հորը, ում ոստիկանները գցել էին գետնին, ծեծում էին: «Սա հաշվեհարդար ու վրեժխնդրություն է: Ամիսներ շարունակ Շահենի նկատմամբ մեղադրանք չէին առաջադրում: Մտորումներից հետո առաջադրել են խուլիգանության մեղադրանք, որի հանցակազմը նրա արարքում բացակայում է»,- ասաց փաստաբանը:
Նա նշեց, որ Վարդան Վարդանյանն ամբողջ կյանքում ծառել է հայոց բանակում. «Այսօր փոխգնդապետ Վարդանյանին մեղասագրել են խուլիգանության կատարում, ինչն իր համար վիրավորական է»:
«Դատարանը որպես արդարադատություն իրականացնող մարմին, պետք է վեր կանգնի ամեն ինչից, օբյեկտվ ճշմարտությունը վեր հանի՝ թույլ չտալով, որ խաղաղ երթի դուրս եկած անմեղ անձիք ենթարկվեն քրեական պատասխանատվության սադրիչներից պաշտպանվելու համար: Այս գործով ամբաստանվող բոլոր անձիք դուրս են եկել ոչ թե խուլիգանություն կատարել, նման դիտավարություն չեն ունեցել, ինչը պարզվեց նաև դատաքննության ընթացքում, այլ սահմանադրական իրավունքն իրագործելու նպատակով, որը սակայն խափանվել է ոստիկաների որ սադրիչների կողմից:
Իմ պաշտպանյալները փորձել են տեր կանգնել իրենց սահմանադրական իրավունքին, իսկ գործով տուժող ճանաչված անձիք արգելել են նրանց իրենց սահմանադրական իրավունք իրականացել, ինչն էլ հանգեցրել է ընդհարման, որը ոչ մի դեպքում չի կարող որակվել որպես խուլգանություն: Խնդրում եմ իմ պաշտպանյաների նկատմամբ կայացնել արդարացման դատական ակտ՝ հռչակելով նրանց անմեղությունը»,- իր ճառում ասաց Ի. Պետրոսյանը:
Հիշեցնենք, որ դատախաղն առաջարկել է Շանթ Հարությունյանին դատապարտել 7 տարվա ազատազրկման, իսկ նրա անչափահաս որդուն՝ Շահեն Հարությունյանին՝ 5 տարվա ազատազրկման, Վարդան Վարդանյանին՝ 6 տարի 6 ամիս:
Ըստ մեղադրական եզրակացության, Շանթ Հարությունյանին մեղադրանք է առաջադրվել այն բանի համար, որ նա մի խումբ անձանց հետ, որպես զենք օգտագործվող առարկայի գործադրմամբ, կատարել է խուլիգանություն` զուգորդված իշխանության ներկայացուցչին դիմադրություն ցույց տալով (ՀՀ Քր. Օր. 258-րդ հոդված, 4-րդ մաս):
Շահեն Հարությունյանին մեղադրանք է առաջադրվել այն բանի համար, որ նա մի խումբ անձանց հետ, որպես զենք օգտագործվող առարկայի գործադրմամբ, կատարել է խուլիգանություն` զուգորդված իշխանության ներկայացուցչին դիմադրություն ցույց տալով (ՀՀ Քր. Օր. 258-րդ հոդված, 4-րդ մաս): Շահեն Հարությունյանը, որն անչափահաս է, կալանավորված չէ:
Վարդան Վարդանյանին մեղադրանք է առաջադրվել այն բանի համար, որ նա մի խումբ անձանց հետ, որպես զենք օգտագործվող առարկայի գործադրմամբ, կատարել է խուլիգանություն` զուգորդված իշխանության ներկայացուցչին դիմադրություն ցույց տալով (ՀՀ Քր. Օր. 258-րդ հոդված, 4-րդ մաս):
Նախորդող հրապարակումներ՝
Շանթի և մյուսների գործ. «Ոստիկանության գործողություններով ոտնահարվել են երթի մասնակիցների իրավունքները»
Դատախազը միջնորդեց Շանթ Հարությունյանին՝ 7, որդուն՝ 5 տարվա ազատազրկման դատապարտել
Շանթ Հարությունյանի և մյուսների գործ. Ամբաստանյալներից երկուսի նկատմամբ կիրառվող խափանման միջոցը մնաց անփոփոխՇանթ Հարությունյանը պահանջեց վերաորակել իր դեմ առաջադրված մեղադրանքը
Շանթի և մյուսների գործ. «Ամեն ինչ սարքոցի էր»
Շանթ Հարությունյան. Ես հեղափոխություն էի նախատեսել դեկտեմբերի 2-ին, ոչ թե նոյեմբերի 5-ին
«Ինձ ասացին, որ հայրս մահացել է». Դատարանում պատմում է Շանթ Հարությունյանի որդին
Շանթի և մյուսների գործ. «Փետով խփեցին ինձ, ոստիկանի գլխարկս թռավ»
Շանթի և մյուսների գործ. «Մայրիկ ջան, ո՞նց ես արել, որ սենց լավ տղա ես դաստիարակել»
Շանթի և մյուսների գործ. Ոստիկանը տուժող է ճանաչվել ընդամենն աչքերը մրմռալու համար
«Թքած ձեր օրենքի վրա, դուք սիրտ չունեք». Միջադեպ Շանթի գործով նիստին
Շանթ Հարությունյանը պատմեց կասկածելի ոստիկանի մասին, իսկ դատավորը զգուշացրեց սանկցիա կիրառել
Դիմադրությունը սկսվել է այն ժամանակ, երբ ոստիկանը քաշքշել է Շանթին. Փաստաբանները` նախաքննության սխալների մասին
Շանթի և մյուսների գործով դատական նիստում հնչել է Վալերի Օսիպյանի անունը
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան