Ձեր վստահելի աղբյուրը

 «Հայ ազգին թշնամի չեմ համարում»,- Արցախպրեսս-ը գրում է, որ  Ստեփանակերտում` ԼՂՀ ընդհանուր իրավասության առաջին ատյանի դատարանում ընթացող ԼՂՀ պետական սահմանը ապօրինաբար հատած ադրբեջանական հետախուզական-դիվերսիոն խմբի երկու անդամների՝ Շահբազ Գուլիևի և Դիլհամ Ասկերովի գործով դատական նիստի ժամանակ իր ցուցմունքում այսպես է ասել Շահբազ Գուլիևը: 

Դատախազ Գաբրիելյանի այն հարցին, թե այդ դեպքում ինչո ՞ւ են ԼՂՀ տարածք մտել զինված և երեխայի վրա բռնություն գործադրելով կյանքից նրան զրկել, Գուլիևը պատասխանել է, որ նա երեխայի սպանության հարցում մեղավոր չէ, և նրան նորմալ է վերաբերվել, ավելին, ըստ Գուլիևի, երեխան նրանց հյուրասիրել էր:

Այսօրվա նիստի ընթացում էլ Շ. Գուլիևը և Դ. Ասկերովը շարունակել են հակասական ցուցմունքներ տալ միմյանց առնչվող դեպքերի վերաբերյալ:

Համաձայն նախաքննության ժամանակ ամբաստանյալ Գուլիևի տված ցուցմունքի՝ Հասան Հասանովը  Սմբատ Ցականյանին կյանքից զրկելու նպատակով ոլորել նրա վիզը։

Գուլիևը, վերահաստատելով այդ ցուցմունքը, պնդել է, որ Հասանովը բռնություն է գործադրել երեխայի  նատմամբ, սակայն, ըստ նրա, իբր այդպես էլ չի հասկացել, թե երեխայի նկատմամբ Հասանովի այդ վարմունքը շոյելու՞, թե՞ բռնության նշան էր։

Ասկերովը մեկ անգամ ևս հաստատելով, որ նկարահանումները Հասանի տեսախցիկով ինքն է արել, նշել է, որ Հասանի ձեռքին քարտեզ կար, որով նա կողմնորոշում էր, թե որտեղ է և ինչ նկարահանումներ պիտի է իրականացնի։ Հատկանշական է, որ վերոհիշյալ տեսախցիկում կային նաև Ադրբեջանում գերի ընկած պաշտպանության բանակի ժամկետային զինծառայող Հակոբ Ինջիղուլյանի հարցաքննության վերաբերյալ տեսանյութեր, որոնց մասին, Ասկերովի խոսքով, իբր ինքը տեղյակ չի եղել։

Պատասխանելով դատավոր Ա. Թադևոսյանի հարցին՝ «Ս. Ցականյանը գիտե՞ր, որ դուք ադրբեջանցիներ եք», Ասկերովն ասել է, որ իրենք չեն ցանկացել, որ պատանին իմանա թե իրականում ովքեր են իրենք և ինչ նպատակով են ԼՂՀ տարածքում, քանի որ նա կարող էր հայտնել պատկան մարմիններին։

Դատարանի հարցադրմամբ` անդրադառնալով Գուլիևի ցուցմունքներին, Ասկերովն ամբողջությամբ սուտ է համարել հատկապես իրեն առնչվող դեպքերի նկարագրությունները:

Մասնավորապես, Գուլիևը կրկին պնդել է նախաքննության և դատաքննության ընթացքում իր տված այն ցուցմունքները, համաձայն որոնց, ինքնաձիգի կրակահերթ լսելուց հետո շրջվել ու տեսել է Հասանին՝ զենքն ուսին, Դ. Ասկերովին` ինքնաձիգի փողը դեպի սպանված պատանին ուղղված դիրքում նստած։

Նախորդող հրապարակումներ՝
Ս. Օհանյան. Արցախն այստեղ էլ ցույց է տալիս, որ ժողովրդավարական երկիր է
Ադրբեջանցի դիվերսանտի հակասական ցուցմունքները
Ադրբեջանցի դիվերսանտը մյուսի մասին. «Շատ կեղտոտ ու վատ անձնավորություն է, Ադրբեջանի ԱԱԾ աշխատակից է»
Սմբատ Ցականյանի հայրը գոհ է դատավարության ընթացքից. ադրբեջանցի դիվերսանտների գործ
Լ. Ալավերդյան. Ադրբեջանցի դիվերսանտների դատավարությունն ընթանում է միջազգային նորմերին համապատասխան (տեսանյութ)
Ադրբեջանցի դիվերսանտը ցուցմունք է տվել (լուսանկարներ)
Ստեփանակերտում մեկնարկել է ադրբեջանցի դիվերսանտների դատավարությունը