Ձեր վստահելի աղբյուրը

Հայաստանի Հանրապետության արարադատության նախարարի տեղակալ Սուրեն Քրմոյանը հուլիսի 6-ին մասնակցել է պրոբացիոն ծառայողների վերապատրաստման մոդուլների և կիրառման ձեռնարկի նախնական տարբերակի ներկայացմանը նվիրված միջոցառմանը: Այն իրականացվել է Եվրոպայի Խորհրդի երևանյան գրասենյակի կողմից ֆինանսավորվող «Աջակցություն Հայաստանում պրոբացիոն ծառայության ստեղծման» ծրագրի շրջանակում:

ՀՀ ԱՆ տեղեկատվության և հասարակայնության հետ կապերի վարչությունից հայտնում են, որ ձեռնարկի համահեղինակներն են ՀՀ ԱՆ «Իրավախախտում կատարած անձանց վերականգնողական կենտրոն» ՊՈԱԿ-ի տնօրեն Գայանե Հովակիմյանը, ՀՀ ԱՆ «Իրավաբանական ինստիտուտ» ՊՈԱԿ-ի Իրավաբանական բաժնի պետ Արսեն Նավասարդյանը, «Սոցիալական արդարարություն» ՀԿ նախագահ Արշակ Գասպարյանը և «Երեխաների աջակցություն կենտրոն»ի տնօրեն Միռա Անտոնյանը:

Հանդիպման նպատակն էր ստեղծել պրոբացիայի ծառայության ներդրման համար անհրաժեշտ նախապայմաններ, ստանալ միջազգային փորձագետների եզրակացությունները, քննարկել այլընտրանքային պատիժների միջազգային փորձը:
ՀՀ արդարադատության նախարարի տեղակալ Սուրեն Քրմոյանը, ողջունելով ներկաներին, նշել է, որ նպանատիպ հանդիպումները նպաստում են ծրագրի որակի բարելավմանն ու նոր մեխանիզմների գործարկմանը:

«Ցանկացած ծառայության պատրաստման, կայացման և արդունավետ գործունեության համար շատ կարևոր է համապատասխան գիտելիքների առկայությունը: Խնդիրն առավել կարևոր է պրոբացիայի ծառայության ներդրման պարագայում: ՀՀ արդարադատության նախարարությունը հետևողական է ծառայության կայացման համար ուղղված բոլոր աշխատանքների, ռիսկերի, հնարավոր վտանգների հարցերում»,-նշել է Սուրեն Քրմոյանը:

Պրոբացիոն ծառայողների վերապատրաստման և կիրառման ձեռնարկի նախնական տարբերակի ներկայացման ընթացքում մասնակիցները խոսել են Եվրոպայում պրոբացիոն ծառայողների ուսուցման մեթոդների, ծառայության համար պահանջվող որակավորումների, պրոբացիոն աշխատանքի հետ կապված հմտությունների և ուսուցման տարբեր մոդելների մասին:
ԵԽ միջազգային փորձագետ Քրիս Ֆրոսթը ներկայացրել է Արևմտյան Եվրոպայի փորձը՝ պրոբացիոն ծառայողների վերապատրաստման օրինակով՝ միաժամանակ կարևորելով իրավական դաշտի առկայությունը:

Փորձագետի խոսքով՝ պիլոտային ծրագրերը դրական ազդեցություն կունենան, սակայն աշխատողներից և ծրագրում ներգրավված բոլոր անձանցից նախանձախնդիր մոտեցում է պահանջվելու:

Ձեռնարկի նախնական տարբերակի ներկայացմանը նվիրված միջոցառմանը մասնակցել են նաև ՀՀ ԱՆ «Իրավաբանական ինստիտուտ» ՊՈԱԿ-ի տնօրեն Աշոտ Հայրապետյանը, «Փի-էյչ Ինտերնեշնլ» կազմակերպության հայկական մասնաճյուղի տնօրեն Մարիամ Մարտիրոսյանը, ծրագրի ղեկավար Հայկ Խեմչյանը, ծրագրի խորհրդատուներ, միջազգային փորձագետներ Քրիս Ֆրոսթը, Իոհան Դուրնեսկուն, Էնդի Բերնհարդտը, ՀՀ ԱՆ քրեակատարողական վարչության աշխատակիցներ, այլք:

Պրոբացիոն ծառայության փորձնական ծրագրի պաշտոնական մեկնարկը տրվել է հունիսի 17-ին:

Նախորդող հրապարակումներ՝
Պրոբացիոն ծառայության ռիսկերն ու վտանգները Հայաստանում
Պրոբացիոն ծառայությունն ավելի շատ պետք է կենտրոնանա վերականգնման վրա. Էնդի Բերնարդ (տեսանյութ)
Գուցե պատժելով վերականգնում ենք արդարությունը, բայց վտանգը հասարակության հանդեպ մնում է. Քրմոյան

Բարեփոխումների արդյունքում հնարավոր կլինի ազատազրկում պատժատեսակն ավելի քիչ կիրառել. նախարար
Տրվեց Պրոբացիայի պիլոտային ծառայության մեկնարկը (տեսանյութ)

Թե ինչքանով արդյունավետ կգործի պրոբացիայի ծառայությունը ՀՀ-ում՝ կախված է շահագրգիռ մարմիններից. փորձագետ (տեսանյութ)
Լ.Ավետիսյան. Հույս ունենք նորաստեղծ պրոբացիայի ծառայությանը դատարաններն ավելի շատ կվստահեն (տեսանյութ)
Արթուր Հովհաննիսյան. Պրոբացիայի ծառայությունը պետք է դիտարկել ոչ թե ուժային, այլ հումանիտար կառույց (տեսանյութ)
Պրոբացիայի ծառայության ներդրման դեպքում կոռուպցիոն ռիսկերից խուսափելու հիմնական եղանակն՝ ըստ փորձագետի
Միջազգային փորձագետ. Բանտ ուղարկելը հարցի լուծում չէ
ՀՀ-ում ազատազրկումը որպես պատժատեսակ շատ է կիրառվում. Ս. Քրմոյան
Քրեական արդարադատության դերակատարները կդիմե՞ն, թե՞ չեն դիմի պրոբացիայի ծառայությանը. փորձագետ (տեսանյութ)
«Փորձելու ենք պրոբացիոն ծառայությունը ներդնել փուլային ճանապարհով»
Կառավարությունը հավանություն է տվել ՀՀ-ում պրոբացիոն ծառայության ներդրման հայեցակարգին
ԵԽ-ն շարունակելու է աջակցել պրոբացիոն ծառայության ոլորտում՝ հայաստանցի գործընկերներին. ԵԽ ներկայացուցիչ
Պրոբացիայի ծառայություն. Ի՞նչ խնդիրներ է լուծելու և ինչպե՞ս կընդունվի
Քրմոյան. Մինչև 2016 թ. սկիզբը պրոբացիոն ծառայությունն ամբողջությամբ կգործի (Տեսանյութ)
Վարչապետ. Մեծապես կարևորում եմ պրոբացիոն ծառայության ներդրումը
Պրոբացիոն ծառայության ներդրմանը վերաբերող օրենսդրական փաթեթը շուտով կներկայացվի կառավարություն
Պրոբացիոն ծառայությունը որպեսզի աշխատի, պետք է դատավորները մի փոքր փոխեն իրենց մտածելակերպը. Լ. Ավետիսյան
Հովհաննես Մանուկյան. ՀՀ-ում պրոբացիոն ծառայություն կներդրվի 2015-ի վերջին կամ 2016-ի սկզբին