Պարույր Հայրիկյանի նկատմամբ կատարված մահափորձի փաստով քրեական գործ է հարուցվել
Ազգային ինքնորոշում միավորում կուսակցության նախագահ Պարույր Հայրիկյանի նկատմամ հունվարի 31-ին կատարված մահափորձի կապակցությամբ հարուցվել է քրեական գործ:
Ինչպես Panorama.am-ին տեղեկացնում են Ոստիկանության լրատվության ծառայությունից քրեական գործը հարուցվել է ՀՀ Քր. Օր.-ի 34-305 հոդվածի հատկանիշներով՝ «Պետական, քաղաքական կամ հասարակական գործչի սպանոււթյան հանցափորձ, որը կատարվել է նրա նշված գործունեությունը դադարեցնելու նպատակով»:
Նախաքննությունը վարում է Ազգային անվտանգության ծառայությունը և այդ նպատակով ստեղծվել է ոստիկանության և ազգային անվտանգության ծառայության համատեղ օպերատիվ քննչական խումբ:
Նշենք, որ ՀՀ նախագահի թեկնածու Պարույր Հայրիկյանի նկատմամբ մահափորձը կատարվել էր Երևանի Կենտրոնում Տպագրիչների 9 հասցեում հունվարի 31-ին ժամը 23:30-ի սահմաններում: Այժմ Պարույր Հայրիկյանը հրազենային վիրավորումով գտնվում է «Սուրբ Գրիգոր Լուսավորիչ» բժշկական կենտրոնում: Բժիշկները վստահեցնում են, որ նրա կյանքին վտանգ չի սպառնում:
Լուսանկարը՝ Պարույր Հայրիկյանի ֆեյսբուքյան էջից
Նախորդիվ՝
Կրակել են Պարույր Հայրիկյանի ուղղությամբ
Աշոտյան. Այս կրակոցները ուղղված էին իրականում բոլորիս դեմ, Հայաստանի դեմ
Ոստիկանապետ. Վարկածներ կան. բոլոր ուղղություններով մանրակրկիտ աշխատանք է տարվում
Հովիկ Աբրահամյան. Սա գնահատում եմ միտումնավոր քայլ
Հայրիկյանի քրոջ որդի. Հայրիկյանն անգիտակից պառկած էր
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ