Վերականգնվում են Թեհրան-Վաշինգտոն ուղիղ չվերթները. Իրանի ԱԳ նախարարի դիրքորոշումը
«Իրանի ԱԳ նախարարը ողջունել է Թեհրան-Վաշինգտոն ուղիղ չվերթի վերականգնումը»,- այդ մասին հաղորդում է իրանական «ՖԱՐՍ» լրատվական գործակալությունը:
Իրանի ԱԳ նախարարը լրագրողների հետ հանդիպման ժամանակ, անդրադառնալով Թեհրանի և Վաշինգտոնի միջև օդային հաղորդակցության վերականգնման գործընթացին, մասնավորապես պատասխանել է. «Մենք այդ հարցում խնդիր չունենք, նրանք խնդիր ունեին: Այն երկրների հետ, որոնց հետ հարաբերություններ ունենք, ցանկանում ենք, որպեսզի իրանցիների տեղաշարժը հեշտացված կարգով ապահովեն: Այնտեղ (ԱՄՆ-ում) բազմաթիվ իրանցիներ են բնակվում, և մենք ցանկանում ենք, որ նրանք հանգիստ տեղաշարժվեն»:
Նկատենք, որ այս օրերին իրանական «ՄԵՀՐ» լրատվական գործակալությունը հաղորդել էր, որ համապատասխան կառույցների միջև բանակցություններ են ընթանում, որպեսզի Թեհրան-Վաշինգտոն օդային հաղորդակցությունը վերականգնվի:
Իրանական «Արիա» լրատվական գործակալության փոխանցմամբ՝ ԻԻՀ նախագահական ընտրություններում Հասան Ռոուհանիի տարած հաղթանակի առթիվ Իրանի ժողովրդին շնորհավորական ուղերձ է հղել Սպիտակ տան խոսնակը՝ հույս հայտնելով, որ Իրանի նոր կառավարության հետ ուղղակի բանակցությունների միջոցով հնարավոր կլինի հաջողության հասնել միջուկային խնդրի հարցում:
Իրանի և ԱՄՆ-ի միջև դիվանագիտական հարաբերությունները խզվեցին 1979 թ. Իրանում տեղի ունեցած իսլամական հեղափոխությունից հետո: Ներկայում Թեհրանում ԱՄՆ-ի շահերը ներկայացնում է Շվեյցարիայի դեսպանությունը:
Նախորդող հրապարակումներ՝
Los Angeles Times. Հասան Ռոուահանիի ընտրությամբ Իրանի վրա ռազմական հարձակման վտանգը նվազեց
ԱՄՆ ՊՆ. Վաշինգտոնը Իրանի հետ երկկողմ հարաբերությունները բարելավելու նպատակով կհամագործակցի Իրանի նորընտիր նախագահի հետ
Լրահոս
Տեսանյութեր
Ոստիկանները Բագրատ Սրբազանին և ԱԺ պատգամավորներին թույլ չեն տալիս մուտք գործել Կիրանց