Ձեր վստահելի աղբյուրը

«Արդեն հինգ տարի է այս խումբը աշխատում է Հայաստանում և այս տարիներին ՀՀ-ԵՄ համագործակցությունը շատ արգասավոր է եղել, չնայած ԵՄ-ի ասոցացման համաձայնագրի հետ կապված խնդիրներ են առաջացել: ԵՄ-ը պարտավորություններ է ստանձնել շարունակել աջակցել ՀՀ-ի բարեփոխումներին»,-այսօր ՀՀ նախագահի նստավայրում ԵՄ խորհրդատվական խմբի Խորհրդատվական խորհրդի վերջին ամփոփիչ նիստին ասաց Հայաստանում ԵՄ պատվիրակության ղեկավար դեսպան Տրայան Հրիստեան:

Նա նշեց, որ իրենք ՀՀ-ի կոչ են անում իրականացնել Եվրասիական միության անդամակցության ծրագիրը, որպեսզի իրենք կարողանան շարունակել աշխատել նոր պայմաններում:

«Մեզ համար շատ կարևոր է, թե ինչ ուղղությամբ է գնում Հայաստանը և ինչպիսի բարեխումներ է իրականացնում: Մեզ համար կարևոր է տեսնել, թե ինչպես են իրականացվում այդ բարեփոխումները, այդ թվում այն պայմանավորվածությունների շրջանակներում, որոնք ձեռք են բերվել Վիլնյուսում»-նշեց Տ. Հրիստեան:

Խոսելով Հայաստանի ձեռք բերված հաջողությունների մասին Հրիստեան նշեց, որ այդ հաջողություններին հնարավոր չէր հասնել, եթե չլիներ իրենց խմբի աջակցությունը և Հայաստանի քաղաքական կամքը:

«Բարձրացվել է իրազեկության մակարդակը ռեադմիսիայի հետ կապված, բացի այդ, Հայաստանը ունի նաև հստակ գործողությունների ծրագիր մարդու իրավունքների և ժողովրդավարության ոլորտներում բարեփոխումներ իրականացնելու համար»,-նշեց նա:

Նրա խոսքով, իրենք աջակցություն են ցուցաբերել նաև ԱԺ-ին` վերահսկողական գործառույթները բարձրացնելու ուղղությամբ:

«Իրենք աջակցություն են ցուցաբերել Հայաստանի նաև օրենքները ԵՄ-ի չափանիշներին համապատասխանեցնելու համար, այդ թվում հեղինակային իրավունքի օրենքի հետ կապված»,-նշեց նա:

Հրիստեան շնորհակալություն հայտնեց ՀՀ նախագահի աշխատակազմի ղեկավար Վիգեն Սարգսյանին համագործակցության և աջակցության համար: Դեսպանը շնորհակալություն հայտնեց ԵՄ-ի խորհրդատվական խմբի բոլոր անդամներին կատարած աշխատանքների համար:

Իր հերթին, ԱԺ փոխխոսնակ Էդուարդ Շարմազանովը հայտարարեց, որ ԱԺ կարևորում է ԵՄ-ի հետ համագործակցությունը.
«Հայաստանի ԱԺ-ի և ԵՄ-ի միջև համագործակցությունը այս տարիներին ավելի է սերտացնել և Երևանում անցկացվելու է Եվրանեսթի նիստը: ԱԺ-ի բոլոր խմբակցությունները ակտիվորեն ներգրավված են այդ միջոցառումը կազմակերպելու աշխատանքներին»:

Շարմազանովը ԱԺ-ի կողմից շնորհակալություն հայտնեց ԵՄ-ի բոլոր գործընկերներին և նշեց, որ այդ ընթացքում իրականացվել է մեծ աշխատանք և միասին նրանք անցել են երկար ճանապարհ. «ԱԺ-ը կարևում է ԵՄ-ի հետ հետագա համագործակցույունը»: