Ջոն Հեֆերնը հեռանում է Հայաստանից. «Նոր դեսպանը ոգևորված է»
«Այնքան շատ մաղթանքներ ունեմ հայ ժողովրդին: Առաջին ցանկությունս է՝ խաղաղություն, խաղաղություն ամբողջ տարածաշրջանում, խաղաղություն Հայաստանում: Ցականում եմ, որ Հայաստանը ցուցաբերի ճկունություն ղարաբաղյան հակամարտության կարգավորման բանակցություններում ու խնդիրը խաղաղ ճանապարհով լուծվի: Դրանից կշահի և Հայաստանը, և ողջ տարածաշրջանը»,- լրագրողների հետ հանդիպման ժամանակ այսպիսի ամանորյա բարեմաղթանք հղեց հայ ժողովրդին ՀՀ-ում ԱՄՆ արտակարգ և լիազոր դեսպան Ջոն Հեֆերնը:
Նա ավարտում է իր դիվանագիտական առաքելությունը Հայաստանում: Այս երեք ու մի քիչ ավել տարիների ընթացքում ամերիկացի դիվանագետը հասցրել է լինել Հայաստանի բոլոր շրջաններում. «Երբ գալիս էինք Հայաստան, պատկերացնում էինք խորհրդային միությանը բնորոշ մի անկյուն` գորշ գույներով, մեռած գիշերային կյանքով: Բայց այստեղ հասկացանք, որ պատկերացումը լրիվ այլ է, Հայաստանը շատ գունեղ է»: Ջ. Հեֆերնի գնահատմամբ, շատ ակտիվ է Հայաստանում նաև մշակութային կյանքը:
Դեսպանի ներկայացմամբ, անցած 22 տարիներին ԱՄՆ-ն 2 միլիարդ դոլարի աջակցություն է տրամադրել Հայաստանին, այս թվի զգալի մասն ուղղվել է ժողովրդավարության կայացմանը, քաղաքացիական հասարակության զարգացմանը, կառավարման ու ընտրական գործընթացների բարեփոխմանը: Այժմ ամերիկացիների ուշադրության կենտրոնում քաղաքացիական հասարակությունն ու գյուղի զարգացումը:
Նա շնորհակալություն հայտնեց ջերմ ընդունելության, հյուրասիրության համար. «Այս ամբողջ ընթացքն ինձ շատ դուր եկավ»: Դեսպանին շատ է դուր եկել մեղրը, չրեղենը: Ջ Հեֆերնը նշեց, որ հիացած է հայ ժողովրդի ստեղծած ներուժով:
Դեսպանը մի քիչ խոսում է հայերեն: Ըստ նրա, հայրենում ամենադժվարը «խաղաղ» բառն է:
ՀՀ-ում ԱՄՆ նոր դեսպանն է լինելու Ռիկ Միլզը, ով Հայաստան է ժամանելու հունվարի կեսերին: Մինչ այդ աշխատանքները կկարգավորի ՀՀ-ում ԱՄՆ փոխդեսպանը:
«Նոր դեսպանը ոգևորված է Հայաստանում դիվանագիտական առաքելություն իրականացելու համար»,- ասաց Ջոն Հեֆերնը:
Նա նաև ասաց, որ ԱՄՆ պետքարտուղար Ջոն Քերին ՀՀ արտգործնախարարին մի քանի անգամ խոստացել է, որ գալու է Հայաստանին: Ջ. Հեֆերնը համոզված է, որ Ջ. Քերին կպահի իր խոստումը, սակայն երբ կլինի այդ այցը, նա չի կարող ասել: Այս պահին նա շատ զբաղված է:
Նախորդող հրապարակումներ՝
Հեֆերն. «Որոտան» ՀԷԿ-ի գործարքը մինչ օրս ԱՄՆ ամենախոշոր ներդրումը կլինի Հայաստանում
«Հազարամյակների մարտահրավերներ» կորպորացիայից Հայաստանն այս տարի հրավեր չի ստացել. Դեսպան
Ջոն Հեֆերնը՝ ՀՀ-ի ԵՏՄ-ին անդամակցելու և ՀՀ-ԵՄ, ՀՀ-ԱՄՆ հետագա համագործակցության մասին
Դոլարի արժևորումը շուկայական զարգացումների արդյունք է. ԱՄՆ դեսպան
Դեսպան. Կողմերն իրենք պետք է որոշեն, թե որ ձևաչափը լավագույնս կգործի հակամարտության կարգավորման գործընթացում
Ջոն Հեֆերնի ամենամեծ հուսախաբությունը կապված է հայ-թուրքական արձանագրությունների հետ
Լրահոս
Տեսանյութեր
Քաղտեխնոլոգ. Մոսկվայում Ալիևը հրաժարվեց վճարել խաղաղապահների՝ Արցախից դուրս գալու գինը