ԼՂՀ նախագահ. Մենք ունենք պահանջներ, որոնք կներկայացնենք համանախագահությանը
«Մենք այս իրավիճակի հետ կապված տեսակետներ ու ինչու չէ պահանջներ ունենք, որոնք կներկայացվեն ԵԱՀԿ Մինսկի խմբի համանախագահությանը»,- Ստեփանակերտում լրագրողների հետ հանդիպմանը հայտարարեց ԼՂՀ նախագահ Բակո Սահակյանը: Նա ասուլիսից հետո հանդիպելու է միջնորդների հետ:
«Այսօր դուք բոլորդ ականատես եք, որ նրանք իրականացնում են ակտիվ միջոցառումներ: Դրանք բերել են այն բանի, որ կողմերի միջև կրակը դադարեցնելու պայմանավորվածություն է ձեռք բերվել»,-ասաց նա:
Հիշեցնենք, մինչ Ստեփանակերտ այցելելը միջնորդները եղել են Բաքվում: Բակո Սահակյանն ասաց, որ ղարաբաղյան կողմին հետաքրքրում է համանախագահների տպավարությունները Բաքվում կայացած հանդիպումներից:
«Քանի որ աշխատանքներում ներգրավված է նաև ԵԱՀԿ գործող նախագահի անձնական ներկայացուցիչը, որն իրականացնում է դիտորդական առաքելություն շփման գծում, մենք ունենք առաջարկություններ նաև այդ առումով: Այս հերթական հանդիպումը հնարավորություն կտա քննարկել նաև այդ հարցը»,-ասաց ԼՂՀ նախագահը:
Հարակից հրապարակումներ`
- Բակո Սահակյան. Միջազգային հանրության ուշադրությունը պետք է ուղղված լինի Արցախին ոչ միայն պատերազմի շրջանում
- 1921թ-ին մեր հայրենիքի մի մասը հայտնվեց այդ ժամանակ հանկարծակի ծագած Ադրբեջան անունով հանրապետության կազմում. Բակո Սահակյան
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ