Վլադիմիր Պուտինն ընդունել է ԵՏՀ նախագահ Տիգրան Սարգսյանին
Եվրասիական տնտեսական հանձնաժողովի նախագահ Տիգրան Սարգսյանը ՌԴ նախագահ Վլադիմիր Պուտինին առաջարկել Է քննարկել Եվրասիական տնտեսական միության շրջանակներում ինտեգրացման խորացման մի շարք գաղափարներ:
Այս մասին տեղեկացնում է Կրեմլի պաշտոնական կայքը՝ ներկայացնելով մանրամասներ, թե ինչ են քննարկել Վլադիմիր Պուտինն ու Տիգրան Սարգսյանը: Վլադիմիր Պուտինը ողջունել է Տիգրան Սարգսյանին և հայտնել, որ իր պաշտոնավարման շուրջ մեկ տարին Տիգրան Սարգսյանն անցկացրել է բավականին ակտիվ՝ առաջ քաշելով բազմաթիվ ծրագրեր:
ՌԴ նախագահը հետաքրքրական և հեռանկարային Է որակել այն առաջարկները, որոնք իր աշխատանքում առաջադրում Է ԵԱՏՀ-ի ղեկավարը: Պուտինի խոսքով՝ արդեն այժմ առկա պայմանավորվածությունները միայն բազա են ապրանքների, կապիտալների ու մարդկանց ազատ շարժի, ինչպես նաև միության բոլոր երկրների մրցունակության բարձրացման համար:
Պուտինը հայտնել Է, որ ԵԱՏՄ-ի Մաքսային օրենսգիրքը պլանավորվում Է դեկտեմբերի 26-ին հաստատել Սանկտ Պետերբուրգի գագաթնաժողովում: «Մենք Ձեզ դեկտեմբերի 26-ին սպասում ենք Սանկտ Պետերբուրգում (Եվրասիական բարձրագույն տնտեսական խորհրդի նիստում): Հաստատվելու Է նոր Մաքսային օրենսգիրքը, որը, ըստ իս, նույնպես կարևոր ուղենիշ Է մեր միասնական տնտեսական տարածքի ձևավորման ճանապարհին»,-ասել Է Պուտինը՝ դիմելով Սարգսյանին:
Տիգրան Սարգսյանը շնորհակալություն Է հայտնել Պուտինին այն ուշադրության համար, որը նա ցուցաբերում Է Եվրասիական տնտեսական միության և այդ միավորման մասնակիցների միջև ինտեգրացման խորացման նկատմամբ:
«Բարձրագույն տնտեսական խորհրդի նիստում պատրաստվել են շուրջ 25 հարցեր, և դրանք բոլորն Էլ շատ լուրջ ներուժ են բովանդակում, այդ թվում՝ մեր երկրների տնտեսական աճի խթանման համար»,-ասել Է նա, խոստանալով ՌԴ նախագահին ներկայացրել «մի քանի սկզբունքային հարցեր, որոնք կարող են խթանել ինտեգրացման խորացումը»:
Տիգրան Սարգսյանը Եվրասիական տնտեսական հանձնաժողովի նախագահ է նշանակվել այս տարվա փետրվարին՝ այդ պաշտոնում փոխարինելով Վիկտոր Խրիստենկոյին:
Լրահոս
Տեսանյութեր
Արման Թաթոյանը միացավ Բագրատ Սրբազանի առաջնորդած քայլերթին
