Բրիտանական խորհրդի անգլերենի դասընթացները՝ ռազմական հաստատությունների համար
Միացյալ Թագավորության պաշտպանության նախարարության ֆինանսավորմամբ և Երևանում Մեծ Բրիտանիայի դեսպանատան հետ համագործակցությամբ Բրիտանական խորհուրդն ավելի քան հինգ ամիս դասընթացներ է անցկացրել ռազմական հաստատությունների ուսանողների և ուսուցիչների համար:
Ինչպես տեղեկացնում են Բրիտանական խորհրդի հայաստանյան մասնաճյուղի հանրային կապերից, Վազգեն Սարգսյանի անվան ռազմական համալսարանի ուսուցիչների, Արմենակ Խանփերյանցի անվան ռազմական ավիացիոն համալսարանի ուսանողների, ինչպես նաև արտակարգ իրավիճակների նախարարության աշխատակիցների համար անցկացվել են 120-ական ժամ տևողությամբ անգլերենի դասընթացներ:
«Դասընթացների ավարտից հետո նրանք հանձնել են Aptis անգլերենի ստուգման թեստ և ուրախությամբ պետք է նշեմ, որ ծրագրի մասնակիցների մոտ լեզվի մակարդակի որակական փոփոխություն է եղել», - ասել է ծրագրի ղեկավար Ադդեհ Հովասափյանը:
Մարտի 30-ին ծրագրի ավարտի կապակցությամբ ռազմական համալսարաններ և արտակարգ իրավիճակների նախարարություն էր այցելել Հայաստանում ՄԹ պաշտպանության գծով կցորդի օգնական Թրեյսի Փալմերը:
Այս դասընթացների նպատակներից էր հնարավորություն տալ հայ զինվորականներին մասնակցել միջազգային ծրագրերին և փրկարարական նախաձեռնություններին:
Ընդհանուր առմամբ ծրագրին մասնակցել է 36 ուսանող և ուսուցիչ, և ծրագրի արժեքը կազմել է 14.000 ֆունտ ստեռլինգ:
Ռազմական հաստատությունների համար անցկացվող դասընթացները շարունակական են լիելու: Ապրիլից անգլերենի դասընթացներ են անցկացվելու էքսպեդիցիոն բժշկական արագ արձագանքման դաշտային հոսպիտալի 24 աշխատակցի համար:
Լրահոս
Տեսանյութեր
Ոստիկանները Բագրատ Սրբազանին և ԱԺ պատգամավորներին թույլ չեն տալիս մուտք գործել Կիրանց