Հանրապետական կուսակցության արդյունքներն ու հնարավոր պատգամավորները
Հայաստանի Հանրապետական Կուսակցությունը խորհրդարանական ընտրություններում ստացել է ընտրողների 49.19% քվե: Հաշվի առնելով, որ խորհրդարան անցնելու շեմը չհաղթահարած կուսակցությունների և դաշինքների հավաքած տոկոսները բաշխվելու են շեմը հաղթահարած չորս ուժերի միջև, ապա Հանրապետական կուսակցության տոկոսները մոտավոր կհասնեն 53-54%-ի սահմաններ:Քանի որ ընտրական օրենսգրքով սահմանված է, որ մանդատների ուղիղ կեսը տրամադրվելու են տարածքային ռեյտինգային թեկնածուներին, ապա ստացվում է, որ առաջիկա խորհրդարանում իշխող Հանրապետականը կունենա 26-27 ռեյտինգային պատգամավոր:
Հաշվի առնելով Հանրապետական կուսակցության ստացած քվեները 13 ընտրատարածքներում, ենթադրվում է, որ այդ ընտրատարածքներում առաջին հորիզոնականը զբաղեցրած թեկնածուները անպայմանորեն կստանան պատգամավորական մանդատ:
Ինչ վերաբերվում է նույն ընտրատարածքից երկրորդ տեղը զբաղեցրած թեկնածուների խորհրդարան մտնելու հավանականությանը, ապա բացառությամբ Տավուշի մարզը ընդգրկող 13-րդ և Արագածոտնի մարզը ընգրկող 7-րդ ընտրատարածքներում երկրորդ տեղը զբաղեցրած թեկնածուների, մնացած բոլոր տարածքներից անցնում են երկրորդ հորիզոնականում գտնվողները: Նույն տեղամասից 3 ռեյտինգային թեկնածու անցնելու հնարավորություն ունեն միայն Լոռին ընդգրկող 9-րդ և Արարատի մարզը ընդգրկող 5-րդ ընտրատարածքները, հաշվի առնելով հիշյալ տարածքներում ՀՀԿ-ի ստացած ձայների բարձր մակարդակը:
Այսպիսով՝ Ավան, Նոր Նորք, Քանաքեռ-Զեյթուն վարչական շրջանները ընդգրկող թիվ 1 ընտրատարածքից պատգամավոր կդառնան Ռոբերտ Սարգսյանը (27107 քվե) և Միհրան Պողոսյանը (19784 քվե):
Արաբկիր, Աջափնյակ, Դավիթաշեն վարչական շրջանները ընդգրկող թիվ 2 ընտրատարածքից պատգամավորական մանդատ կստանան Արման Գալուստի Սահակյանը (18532 քվե) և Արտակ Սարգսյանը (12027 քվե):
Մալաթիա-Սեբաստիա, Շենգավիթ վարչական շրջանները ընդգրկող թիվ 3 ընտրատարածքից պատգամավոր կդառնան Սամվել Ալեքսանյանը (42472 քվե) և Հովհաննիսյան Արայիկը (19710 քվե):
Կենտրոն, Նորք-Մարաշ, Էրեբունի, Նուբարաշեն վարչական շրջանները ընդգրկող թիվ 4 ընտրատարածքից պատգամավոր կդառնան Հակոբ Բեգլարյանը (26001 քվե) և Հարություն Կարապողոսյանը (20306 քվե):
Թիվ 5 ընտրատարածքից՝ Արարատի մարզից պատգամավորներ կդառնան 3 թեկնածուներ՝ Արայիկ Գրիգորյանը (45339 քվե), Մուրադ Մուրադյանը (18202 քվե) և Ալիկ Սարգսյանը (6530 քվե):
Թիվ 6 ընտրատարածքից՝ Արմավիրի մարզից պատգամավոր կդառնան Նահապետ Գևորգյանը (22064 քվե) և Սեդրակ Սարոյան (21937 քվե):
Թիվ 7 ընտրատարածքից՝ Արագածոտնի մարզից պատգամավոր կդառնա միայն Նաիրի Սահակյան (14166 քվե):
Գեղարքունիքի մարզը ընդգրկող թիվ 8 ընտրատարածքից պատգավորական մանդատ կարող են ստանալ Կարեն Բոթոյանը (14932 քվե) և Ռաֆիկ Գրիգորյանը (14430 քվե):
Լոռու մարզը ընդգրկող թիվ 9 ընտրատարածքից պատգամավորական մանդատի հավակնում են Կարեն Կարապետյանը (44255 քվե), Վահրամ Բաղդասարյանը (17637 քվե) և Արկադի Համբարձումյանը (16402 քվե):
Կոտայքի մարզը ընդգրկող թիվ 10 ընտրատարածքից անցողիկ քվեներ են ստացել Սամվել Սանամյանը (12645 քվե) և Անդրանիկ Հարությունյանը (11324 քվե):
Թիվ 11՝ Շիրակի մազը ընդգրկող ընտրատարածքից պատգամավորական մանդատ կարող են ստանալ Արման Սահակյանը (14510 քվե) և Ֆելիքս Ցոլակյանը (11796 քվե):
Սյունիքի և Վայոց Ձորի մարզերը ընդգրկող 12-րդ ընտրատարածքից պատգամավորական մանդատ կարող են ստանալ Վահե Հակոբյանը (21823 քվե) և Աշոտ Արսենյանը (17563 քվե):
Տավուշի մարզը ընդգրկող թիվ 13 ընտրատարածքից պատգամավոր դառնալու հնարավորություն ունի միայն Գրիգոր Ավալյանը (17113 քվե):
Այսպիսով ներկայացվեց այն բոլոր ռեյտինգային թեկնածուներին, ովքեր եթե չհրաժարվեն մանդատից և այլ աշխատանքի չանցնեն կարող են հայտնվել խորհրդարանում:
Բնական է, որ վերջնական պատկերը պարզ կլինի ԿԸՀ-ի կողմից ընտրությունների արդյունքների վերջնական ամփոփումից հետո: Այդ ժամանակ միայն հստակ պարզ կլինի, թե հանրապետականներից ով մանդատ կստանա համապետական, ով՝ տարածքային ցուցակից: Ի վերջո հնարավոր են նաև դեպքեր, որ բազմաթիվ գործող պաշտոնյաներ պարզապես կհրաժարվեն իրենց մանդատներից հօգուտ կուսակցական այլ ընկերների:
Ներկայացնենք ռեյտինագային թեկնածուներից ամենաշատ ձայներ ստացողների տասնյակը.
Հարակից հրապարակումներ`
- «Ծառուկյան դաշինք»-ի արդյունքներն ու հնարավոր պատգամավորները
- ՀՅԴ. Հին կուսակցության նոր խմբակցությունը
- Մինասյան. «ԵԼՔ» դաշինքի արդյունքներն ու հեռանկարները