Լրագրողի գործունեությանը խոչընդոտելու փաստով հարուցված քրեական գործն ընդունվել է ՀՔԾ
2017թ.-ի ապրիլի 2-ին ՀՀ ԱԺ ընտրությունները լուսաբանող «Հայկական ժամանակ» օրաթերթի լրագրող Տիրայր Մուրադյանի նկատմամբ բռնություն գործադրելու և վերջինիս մասնագիտական գործունեությանը խոչընդոտելու վերաբերյալ հրապարակման հիման վրա հարուցված քրեական գործն ընդունվել է Հատուկ քննչական ծառայության քննիչների վարույթ:
Ծառայությունից մանրամասնում են, «a1plus.am» լրատվական կայքում առկա «Թիվ 9/29 ընտրատեղամասում խոչընդոտել են «Հայկական ժամանակ» օրաթերթի լրագրող Տիրայր Մուրադյանի աշխատանքը» հրապարակման վերաբերյալ նյութերի նախապատրաստման ընթացքում Տիրայր Մուրադյանը նաև ոստիկանությունում հաղորդում է տվել այն մասին, որ 2017թ. ապրիլի 2-ին` ՀՀ ԱԺ ընտրությունների ընթացքը լուսաբանելիս, Կենտրոն վարչական շրջանի թիվ 9/29 ընտրատեղամասում իրեն անծանոթ կինը խոչընդոտել է իր մասնագիտական գործունեությանը` վիրավորել է իրեն և հարվածել տեսախցիկին:
Այսպիսով, «Հայկական ժամանակ» օրաթերթի լրագրողի նկատմամբ բռնություն գործադրելու և վերջինիս մասնագիտական գործունեությանը խոչընդոտելու դեպքի առթիվ ՀՀ քրեական օրենսգրքի 149-րդ հոդվածի 2-րդ մասի 3-րդ կետի հատկանիշներով հարուցված քրեական գործի նախաքննությունը շարունակվում է ՀՀ հատուկ քննչական ծառայությունում:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հարակից հրապարակումներ`
- Երևանի բնակչուհուն մեղադրանք է առաջադրվել լրագրողի նկատմամբ բռնություն գործադրելու համար
- Դատախազությունը քրեական գործ է հարուցել լրագրողի մասնագիտական գործունեությանը խոչընդոտելու դեպքի առթիվ
- Լրագրողների գործունեությանը խոչընդոտելու փաստերով հարուցված քրեական գործերն ընդունվել են ՀՔԾ վարույթ
- Գլխավոր դատախազությունը՝ լրագրողների մասնագիտական գործունեությանը խոչընդոտելու մասին
- Քվեարկության օրը լրագրողների գործունեությանը խոչընդոտելու փաստերով հարուցվել են քրեական գործեր
- Լրագրողական կազմակերպությունները ոստիկանությանն ու դատախազությանը պահանջներ են ներկայացրել
- «Ազատության» լրագրողի վրա հարձակման միջադեպով նյութեր են նախապատրաստվում