«Հայաստան, որը մենք չգիտենք». «Մոսկովսկի կոմսոմոլեց»
«Մոսկովսկի կոմսոմոլեց» կայքում հրապարակվել է լրագրող Սեման Միխայլովի հոդվածը Հայաստանի մասին:
«Ինքնաթիռը թռչում էր Կովկաս, իսկ ես այդ ընթացքում փորձում էի գուշակել «դարի հանելուկը: Ինչո՞ւ է Վրաստանը, երկիրը, որի հետ Ռոսաստանը պատերազմել է և որի հետ մինչ հիմա չունի դիվանագիտական հարաբերությունները, ՌԴ քաղաքացիների համար ավելի ժամանակակից և հայտնի զբոսաշրջային ուղղություն: Եվ ինչո՞ւ Հայաստանը, ոչ պակաս գեղեցիկ, քան հարևան երկիրը, որը նաև Մոսկվայի քաղաքական դաշնակիցն է, մեր զբոսաշրջիկների համար մնում է հիմնականում չբացահայտված տարածք: Հայաստան հնգօրյա այցից հետո ինձ մոտ այն տպավորությունն է, որ ես վերջապես գտել եմ պատասխանը: Բանը նրանում է, որ մենք շատ լավ գիտենք, միաժամանակ ընդհանրապես չգիտենք Հայաստանի Հանրապետությունը»,- գրել է հեղինակը:
Նա նշել է, որ տեղյակ են 1988 թվականի սարսափելի երկրաշարժի մասին, տեղյակ են Հայաստանի և Ադրբեջանի հակամարտության մասին, տեղյակ են, որ Հայաստանը սարսափելի տնտեսական ճգնաժամի մեջ է եղել և մինչև հիմա գտնվում է տրանսպորտային մասնակի շրջափակման մեջ.
«Բայց մենք չգիտենք մեկ այլ Հայաստանը: Մենք չենք ճանաչում Հայաստանը իր գեղեցիկ բնությամբ, հնագույն հուշարձաններով: Մենք չենք ճանաչում այն Հայաստանը, որտեղ ռուսների նկատմամբ հատուկ վերաբերմունք կա»:
Այնուհետև հեղինակը հոդվածում պատմել է Երևանի մասին՝ նշելով որպես աշխարհի հնագույն քաղաքներից մեկը, ներկայացրել է Երևանի ճարտարապետությունը: Հեղինակը տպավորված է երևանյան մթնոլորտով: Նշել է, որ թեև բացարձակ անվտանգ որևէ տեղ չի լինում, բայց, ինչպես ասել են տեղի բնակիչները, նաև կանայք, երեխաները, Երևանի փողոցներով քայլելն ցերեկվա և գիշերվա ցանկացած ժամին, անվտանգ է: Նա այցելել է Հայաստանի Ազգային պատկերասրահ, Մարտիրոս Սարյանի տուն-թանգարան:
Բացի Երևանից լրագրող Սեման Միխայլովը շրջել է Հայաստանի տարբեր տեսարժան վայրերով՝ Էջմիածին, Գառնի, Գեղարդ, Սևան: Նա գրել է. «Պետք է ևս մեկ անգամ վերադառնալ Հայաստան: Այդ երկրի համար հինգ օրը շատ քիչ է»:
Նա նաև նշել է, որ Հայաստանը դեռևս այն վայրը չէ, որտեղ այցելելով, կարելի է ակնկալել ծառայությունների բարձր մակարդակ. «Լավ հյուրանոցներ և ռեստորաններ, իհարկե կան: Բայց եթե Վրաստանում արդեն վաղուց հասկացել են, որ պետք է զբոսաշրջության զարգացման համար ներդրումներ անել, ապա Հայաստանում նոր են սկսել գիտակցել այդ փաստը»:
Միաժամանակ հավելել է, որ զբոսաշրջային արդյունաբերության ոչ այդքան զարգացած լինելը քողարկվում է այլ բաներով, օրինակ՝ Հայաստանի բնությունը ոչ միայն գեղեցիկ է, այլ չափազանց բազմազան, կարծես տարբեր աշխարհներ լինեն.
«Բացի բնությունից և հին եկեղեցական հուշարձաններից, Հայաստանի հմայքի երրորդ կարևորագույն մասը մարդիկ են: Մարդիկ, ովքեր զարմանալիորեն լավ են վերաբերում ռուսներին»:
«Ես ամենաքիչն են ուզում, որպեսզի այս տեքստը կարդալուց հետո ընթերցողի մոտ տպավորություն ստեղծվի, թե Հայաստանը դրախտավայր է առանց խնդիրների: Հայաստանն ունի խնդիրներ: Փորձելով (հավանաբար անհաջողությամբ) ընդօրինակել հայկական հումորը, ես նույնիսկ կհայտարարեմ՝ միակ բանը, որի պակասը Հայաստանը չունի, դա խնդիրներն են:
Չնայած իր բազմաթիվ խնդիրների՝ Հայաստանը գեղեցիկ է»,- եզրափակել է հոդվածագիրը:
Լրահոս
Տեսանյութեր
Ոստիկանները Բագրատ Սրբազանին և ԱԺ պատգամավորներին թույլ չեն տալիս մուտք գործել Կիրանց
