Ոչ ոք չի կարող դրսից որևէ բան պարտադրել. Սվիտալսկի
«Հայաստանը հիմա անցնում է շատ կարևոր մի փուլ, անցում կատարելով նախագահականից խորհրդարանական հանարապետության, ինչը ենթադրում է բավականին մեծածավալ աշխատանք, օրենքների ընդունում, օրենքների համապատասխանեցում նոր համակարգին, սա բնականաբար կանդրադառնա նաև դատական համակարգի վրա։ Բազմաթիվ մարմիններ այստեղ պետք է իրականացնեն բավականին մեծ ծավալի աշխատանքը և սա բավականին պատեհ պահ է նաև անդրադառնալ դատական իշխանության անկախության խնդրին»,- այսօր «Աջակցություն Հայաստանում դատական բարեփոխումների իրականացմանը» ծրագրի մեկնարկի արարողության նշեց ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:
Նշենք, որ խրագիրը ֆինանսավորվում է Եվրոպական միության, Եվրոպայի խորհրդի ու Մեծ Բրիտաիայի Միացյալ Թագավորության և Հյուսիսային Իռլանդիայի կառավարության կողմից։
Սվիտալսկին նշեց, որ իրենք մեծապես աջակցելու ենդատական բարեփոխումների հետագա իրականացմանը Հայաստանում։
«Դատական բարեփոխումները հանդիսանում են հինգ գերակայություններից մեկը։ Չկա կատարյալ մոդել դատական իշխանության գործունեության համար, չկա իդելական լուծում, յուրաքանչյուր պետություն պետք է նայի իր միջավայրի առանձնահատկությունները, ուսումնասիրի դրանք։ Ոչ ոք չի կարող դրսից որևէ բան պարտադրել, նույնիսկ ամենահարգված միջազգային կառույցները, նրանք կարող ենք միայն քաջալերել, խրախուսել, կիսել լավագույն փորձը, խոսել ընդհանուր սկզբունքների մասին, սակայն մոդելները, դետալները որոշում է յուրաքանչյուր պետություն՝ եվրոպական հաստատությունների հետ երկխոսությամբ և խորհրդակցելով»,- ասաց ԵՄ դեսպանը։
Նա նշեց, որ իրենք ուրախ են, որ Եվրոպայի խորհրդի օգնությամբ հնարավորություն կունենան աջակել ՀՀ իշխանություններին, այս բարդ, միաժամանակ շատ կարևոր մարտարահեվրին արձագանքելու համար։
«Վստահ եմ, որ սա կարևոր նշանակություն կունենա երկրի ապագայի համար»,- հավելեց նա։
Ծրագրի մեկնարկին ներկա ՀՀ-ում Մեծ Բրիտանիայի ու Հյուսիսային Իռլանդիայի Միացյալ Թագավորության դեսպան Ջուդիթ Ֆարնուորթն ասաց, որ դատական համակարգի անկախությունը շատ կարևոր է ժողովրդավարության և ցանկացած երիկրի բարեկեցության համար. «Մենք ուրախ ենք, որ Հայաստանի կառավարությունը, մասնավորապես արդարադատության նախարարությունը կարևորում են այս բերափոխումները»։
Ծրագրի իրականացման արդյունքում նախատեսվում է հասնել հետևյալ արդյունքներին.
• Փոփոխված Սահմանադրությամբ պայմանավորված իրավական ակտերի մշակում Եվրոպայի խորհրդի չափորոշիչների համաձայն,
• Հայաստանում դատավորներին կարգապահական պատասխանատվության ենթարկելու համակարգի բարելավում` առավել լավ համապատասխանելու Եվրոպայի խորհրդի չափորոշիչներին և հանձնարարականներին,
• Հայաստանի հաշտարարների ինքնակարգավորվող կազմակերպության կառավարման մեխանիզմների բարելավում և գործնականում հաշտարարության կիրառության ամրապնդում,
• Հայաստանում արբիտրաժի կիրառության ամրապնդում գործնականում և արբիտրների մասնագիտական որակների զարգացում,
• Փաստաբանական պալատի ինստիտուցիոնալ և ներքին կարողությունների հզորացում` Պալատի անդամների հնարավոր անօրինական հետապնդումների կամ նրանց իրավունքների անհարկի սահմանափակումների կամ ոտնահարման ցանկացած դեպքերին պատշաճ կարգով արձագանքելու նպատակով,
• Դատարաններից օգտվողների իրազեկության բարձրացում դատական իշխանության երի աշխատանքի վերաբերյալ:
Հարակից հրապարակումներ`
Լրահոս
Տեսանյութեր
«Տավուշը հանուն հայրենիքի» շարժման անդամները քայլերթով գալու են Երևան. Բագրատ Սրբազան
