Ձեր վստահելի աղբյուրը

Երևանի կոնյակի գործարանը՝ իր լեգենդար ԱՐԱՐԱՏ հայկական կոնյակով, Պանարմենիան Մեդիա Գրուպը և «The Alexander, a Luxury Collection Hotel, Yerevan» հյուրանոցն աջակցում են «Ավրորա» մարդասիրական նախաձեռնությանը՝ դառնալով 2018թ. «Ավրորա» մրցանակի շնորհման արարողության գլխավոր գործընկերները։

«Երևանի կոնյակի գործարանի համար բարի ավանդույթ է դառնում «Ավրորա» մարդասիրական նախաձեռնությանն աջակցելը՝ մերօրյա հերոսներին մեծարանքի արժանացնելու իր առաքելության և աշխարհի առավել հրատապ հումանիտար ճգնաժամերը հաղթահարելու գործում»,-ասել է Երևանի կոնյակի գործարանի վաճառքների և շուկայագիտության տնօրեն Կարին Մադելրիոն։

IDeA հիմնադրամից նշում են, որ «ԱՐԱՐԱՏ-ն «Ավրորայի» հետ է եղել վերջինիս սկզբնավորման օրից ի վեր և աջակցել է 2016 ու 2017 թվականների մրցանակի շնորհման արարողությունների անցկացմանը:

«Մենք անչափ ոգևորված ենք, որ նախորդ տարիների պես միանալով համաշխարհային մարդասիրական համայնքին՝ աջակցելու ենք «Ավրորա» մրցանակի շնորհման արարողության ընթացքում 2018թ. «Ավրորայի» հերոսներին ներկայացնելու գործին»,-նշել է Պանարմենիան Մեդիա Գրուպի գլխավոր տնօրեն և բաժնետերերի խորհրդի նախագահ Արմեն Արզումանյանը։ «Արմենիա ՀԸ-ը նպատակ ունի նպաստել Հայաստանի դերի բարձրացմանն աշխարհով մեկ, և մեզ համար մեծ պատիվ է, որ հնարավորություն ունենք դա անել «Ավրորա» մրցանակի շնորհման հանդիսավոր արարողության միջոցով»։

««The Alexander, a Luxury Collection Hotel, Yerevan» հյուրանոցի համար հաճելի է բացումից այսքան կարճ ժամանակ անց արդեն աջակցել «Ավրորա» մարդասիրական նախաձեռնությանը»,- ասել է  «The Alexander, a Luxury Collection Hotel, Yerevan» հյուրանոցի գլխավոր մենեջեր Ժան Դանիել Կադարսը։ 

«Ավրորա մարդասիրական նախաձեռնությունն երախտագիտություն է հայտնում գլխավոր գործընկերներին՝ նրանց ցուցաբերած աջակցության համար։ Առանց այդ օժանդակության և միջոցների դժվար կլիներ կազմակերպել 2018թ. «Ավրորա» մրցանակի շնրոհման արարողությունը և դրան ուղեկցող միջոցառումների շարքը»,- նշել է «Ավրորա» մարդասիրական նախաձեռնության գործադիր տնօրեն Արման Ջիլավյանը։ «Մենք նաև երախտապարտ ենք մեզ միացած և նախաձեռնությանն ու համաշխարհային մարդասիրական շարժմանն օժանդակություն ցուցաբերած բոլոր անհատներին ու կազմակերպություններին։ Սա «Ավրորային» թույլ է տալիս ավելի խոր արմատներ ձգել և հաջողությամբ շարունակել ստանձնած առաքելությունը»։

«Ավրորա» մարդասիրական նախաձեռնությունն ստեղծվել է 2015 թվականին երեք հիմնադիրների կողմից, որոնք ոգեկոչելով Հայոց ցեղասպանությունը վերապրողների հիշատակը՝ աջակցում են այնպիսի նախագծերի, որոնք մեծարման են արժանացնում նրանց փրկողներին: Այս ջանքերին արդեն միացել են  ավելի քան 300 անհատներ և կազմակերպություններ` արտահայտելով իրենց երախտագիտությունը գործով: Ռեսուրսների ավելացմանը զուգահեռ՝ նվիրատվության շղթան կշարունակվի և «Ավրորա» մարդասիրական նախաձեռնությունը կընդլայնի ծրագրերի շրջանակը՝ օգնելով և հուսադրելով դժվարին դրության մեջ գտնվողներին: