Գնացել եմ քարոզարշավի Սյունիք, գալու եք ասեք՝ ինչքա՞ն եմ ծախսել բենզինի համար. Դավիթ Հարությունյան
Խորհրդարանում ԸՕ բարեփոխումների շուրք այսօրվա քննարկումների ժամանակ «Ծառուկյան դաշինք» խմբակցությունն առաջարկեց ընդլայնել նախընտրական հիմնադրամից կատարվող ծախսերը՝ շտաբի վարձակալության, գույքի, պաստառների, աշխատողների ֆեյսբուքյան գովազդի և մյուս կարիքների համար:
«Սոցիալական ցանցերի ծախսերը չենք կարողանում վերահսկել, եթե չհաշվենք»,- ասաց «Ծառուկյան» խմբակցության պատգամավոր Սերգեյ Բագրատյանը՝ հավելելով, որ կարելի է դիմել «Ֆեյսբուք»-ին և ստանալ տվյալներ, թե որքան է ծախսվել քարոզարշավի ընթացքում:
ՀՀԿ-ական Դավիթ Հարությունյանն էլ նկատեց. «Ֆեյսբուքի ուշք ու միտքը գնում է ձեր տվյալների համար»:
ՀՅԴ-ական պատգամավոր Սպարտակ Սեյրանյանն իր հերթին հետաքրքրվեց՝ ինչպե՞ս է վերահսկվելու գովազդը, եթե այն իրականացվի հազարավոր «ֆեյքերով»:
«Հիմա եթե առանց իմ իմացության են գովազդ անում, ո՞նց եք հաշվարկելու»,- հարցրեց Սեյրանյանը:
Դավիթ Հարությունյանն իր հերթին ընդգծեց, որ առաջարկը վտանգավոր է, քանի որ ցանկացածի հետ կարելի է հաշվեհարդար տեսնել. «Ցանկացած մարդ կարող է գնալ ցանկացած գովազդ պատվիրել՝ այդ թվում ձեր գովազդը, և ձեզ ձեր սահմանից կթռցնի դուրս: Վիրտուալ աշխարհում շատ ավելի դժվար է սրան հետևել»:
Անդրադառնալով վառելիքի ծախսերին՝ Հարությունյանն ասաց, որ հնարավոր չէ վերահսկել՝ բենզի՞ն է ծախսվել նախընտրական շրջանում, թե՞ գազ, ո՞ր ուղղությամբ, որքա՞ն:
«Գնացել եմ քարոզարշավի Սյունիք, գալու եք ասեք՝ ինչքա՞ն եմ ծախսել բենզինի համար: Կարող է Խոսրով Հարությունյանը գնում էր Սյունիք հանգստանալու, խնդրել եմ իրեն, որ ինձ տանի։ Մի գրեք ծախսեր, որոնք պլյուս մինուս 5 տոկոս են, լավ է, որ բոլորն ունենան ազատություն, ոչ թե խոշորացույցով ընկնենք ընտրովի տեսնենք, թե Լենա Նազարյանն ուր է գնացել, վառելիքի փող որտեղի՞ց վերցրել»,- նշեց Հարությունյանը:
Սերգեյ Բագրատյանն նկատեց, որ այդ դեպքում գողացված հարյուր միլիոնավոր գումարներ անվրահսկելի կերպով կծախսվեն։
Դավիթ Հարությունյանն ասաց, որ պաստառի, բրոշյուրների, նշանների, գրիչների, շարֆերի վրա ծախսվող գումարները պետք է խոշորացույցի տակ վեըահսկվեն, բայց բենզինի ծախսը՝ ոչ:
«Իսկ թե մեկը մերսեդեսով, գազելով կամ գազով լցված մեքենայով գնաց, պետք չէ մանրամասներ բերել, թողեք ազատ»,- նշեց Դավիթ Հարությունյանը:
ՀՅԴ-ական պատգամավոր Արմեն Ռուստամյանն իր հերթին նկատեց, թե գուցե «շուրջերկրյա ճանապարհորդության» բենզին է ծախսվել, արդյոք չպե՞տք է վերահսկել:
«Մի հատ հորով-մորով անենք պաստառները, գրիչները, շարֆերը, համերգը, էլի դեմ չեմ, բայց բենզի՞նը, գրասենյակի սո՞ւրճը»,- զարմանք հայտնեց ՀՀԿ-ական Դավիթ Հարությունյանը:
Հարակից հրապարակումներ`
- Բոլորը նախընտրական շրջանում բժիշկ են դառնում, գնում են մարզերում սկսում են բժշկել. Արմեն Ռուստամյան
- ԸՕ բարեփոխումների շուրջ ՀՀԿ-ի 4 առաջարկներն ընդունվեցին, 2-ի շուրջ վերպահումներ կան
- Ընտրապայքարին մասնակցող ուժերի 90 տոկոսը նախապես չի ներկայացնելու կառավարության իր կազմը. Զոհրաբյան
- Եթե որակյալ բանավեճեր չլինեն, կաբինետի նախնական հրապարակումը ոչինչ չի տալու. Սպարտակ Սեյրանյան
- Կուսակցությունը դառնում է ավելի պատասխանատու, երբ հրապարակում է կառավարության կազմը. ՀՀԿ պատգամավոր
- Առաջարկ. Ընտրություններին մասնակցող ուժերը նախապես ներկայացնեն ապագա կառավարության կազմը
Լրահոս
Տեսանյութեր
Մի կողմում հայ ժողովուրդն է, մյուս կողմում թշնամին և մեր իշխանությունը միասին. Դավիթ Անանյան