Լրատվամիջոցի նկատմամբ ցանկացած դատավարական գործողություն պետք է լինի ծայրահեղ անհրաժեշտ
«Ես չեմ կարող խոսել լրատվամիջոցում խուզարկության հիմքերի մասին, չեմ կարող խոսել խուզարկության անհրաժեշտության մասին, բայց կարող եմ վստահաբար փաստել, որ լրատվամիջոցի նկատմամբ ցանկացած դատավարական գործողություն պետք է լինի ծայրահեղ անհրաժեշտ և անգամ այդ միջամտության դեպքում բացառվեն որևէ միջամտության հնարավորույթունները՝ լրատվական գործունեության իրականացնողի ընթացիկ գործունեության մեջ»,- ԱԺ-ում լրագրողների հետ զրույցում այսօր ասաց պետական-իրավական և մարդու իրավունքների պաշտպանության հարցերի մշտական հանձնաժողովի նախագահ Գևորգ Կոստանյանը՝ անդրադառնալով Yerevan today լրատվական գործակալությունում օրեր իրականացված խուզարկության խհանգամանքին:
«Ես հիմա չեմ կարող խոսել հիմքերի մասին, որովհետև դրանց ծանոթ չեմ: Ես կարող եմ խոսել հետևանքների մասին, իսկ հետևանքն այն է, որ լրատվամիջոցում խուզարկություն կատարելու անհրաժեշտությունը պետք լինի ծայրահեղ՝ բացառելով լրատվական գործունեության միջամտելը»,- ասաց նա:
Հարցին՝ իսկ ինչ պայմաններ են անհրաժեշտ մի ամբողջ հեռուստաընկերության եթերազրկելու համար, ինչպես դա տեղի ունեցավ A1+-ի պարագայում, Գևորգ Կոստանյանը պատասխանեց՝ օրենքով նախատեսված պայմաններ:
Իսկ կարո՞ղ է ընդունել, որ արդար դատաքննության հետ կապված խնդիրները Հայաստանում նոր երևույթ չեն և Ռոբերտ Քոչարյանի գործով չէ, որ ի հայտ եկան, հետաքրրքվեցին լրագրողները:
«Ես կարող եմ արձանագրել, որ դատական իշխանության անկախության երաշխավորումն ու անհրաժեշտությունը միշտ է եղել՝ սրանից տասը տարի առաջ էլ, տասնհինգ տարի առաջ էլ: Հիմա ևս: Ես բազմիցս, և որպես գլխավոր դատախազ, և որպես պետության ներկայացուցիչ եվրոպական դատարանում այդ մասին խոսել եմ նաև հրապարակային: Ես նշել եմ, որ մենք պետք է դատավորների անկախության և դատավորների նկատմամբ ճնշումները բացառելուն ուղղված գործուն միջոցներ ձեռնարկենք: Իհարկե, խնդիրը նոր չէ, սակայն այլ հարց է, որ մենք կարողանանք գործուն միջոցներ ձեռնարկել»,- ասաց նա:
Հարցին էլ՝ կարո՞ղ է արձանագրել, որ դատարանների նկատմամբ ճնշումների արատավոր երևույթը գալիս է նախորդ իշխանությունից, Գևորգ Կոստանյանը նշեց, որ իրեն չի կարող շռայլություն թույլ տալ՝ առանց փաստերի նման գնահատականներ տալ:
«Եթե կան նման դեպքեր, դրանք պետք է պատժվեն: Եթե երբևէ նման դեպք եղել է… ես չեմ բացառում, բայց վստահ եմ, որ դա պետք է լինի փաստարկված և հիմնավորված»,- ասաց խորհրդարանականը:
Լրագրողները նաև ԱԺ պետական-իրավական և մարդու իրավունքների պաշտպանության հարցերի մշտական հանձնաժողովի նախագահից հետաքրքրվեցին՝ ո՞րն է տարբերությունը, որ ավելի վաղ շրջանում Վարդան Օսկանյանի և Ալիկ Արզումանյանի գաղտնալսումները քննարկման առարկա չեն դարձել, սակայն քննության առարկա է դարձել վերջին օրերի հայտնի ձայնագրությունը: Գևորգ Կոստանյանն ի պատասխան նկատեց.
«Ես չգիտեմ՝ այդ անձանց գաղտնալսումները եղել են օրենքով սահմանված կարգով, թե կարգի խախտմամբ: Իսկ այն հանգամանքը, որ գաղտնալսում են ԱԱԾ տնօրենին և ՀՔԾ պետին, ակնհայտ ապօրինի է, այսինքն՝ խոսքն ակնհայտության մասին է: Ապօրինի ճանապարհով ձեռք բերված ապացույցն ինքնին ապացույց չի կարող դիտվել: Բայց եթե այդ ապացույցին հաջորդող վկաներ են ցուցմունք տալիս, կամ մարդիկ ասում են՝ այո, նման փաստ եղել է, կարծում եմ՝ այդ հայտարարությունները կարող են որպես ապացույց դիտվել»,- ամփոփեց նա:
Հարակից հրապարակումներ`
- «Լրագրողներ առանց սահմանների»-ն դատապարտում է Yerevan.Today-ում կատարված խուզարկությունը
- Սևակ Հակոբյան. Yerevan.Today-ը Ռոբերտ Քոչարյանի հետ կապ չունի
- Խմբագիր. Yereven Today կայքի վրա եղել է DDoS հարձակում
- Yereven Today-ի խմբագիր. Մեր տպավորությամբ սա լրատվամիջոցին լռեցնելու փորձ է
- Քննչական կոմիտեն՝ Yerevan.today -ում կատարված խուզարկության մասին
- Yerevan Today-ի խմբագիր. Առանց հիմնավորման առգրավել են իմ համակարգիչը
- Խուզարկություն՝ Yerevan.today-ում
Լրահոս
Տեսանյութեր
«Ձեր սիրելի Ալիևը «Նոլդու Փաշինյան» երգը միացրած Արցախով պտտվում է». Բագրատ Սրբազանը՝ իշխանությանը