Դավիթ Տոնոյանը գերմանական կողմի հետ քննարկել է համագործակցության հնարավորություններին առնչվող հարցեր
Սեպտեմբերի 26-ին ՀՀ պաշտպանության նախարար Դավիթ Տոնոյանն ընդունել է Գերմանական Կարմիր խաչի Բադեն-Վյուրտեմբերգի երկրամասային կազմակերպության երկրամասային դպրոցի ավագ դասախոս և Աղետների ռիսկի նվազեցման ազգային պլատֆորմ հիմնադրամի հետ համագործակցության պատասխանատու Վոլֆգանգ Շմիդտին։ Այս մասին հայտնում են ՊՆ լրատվական ծառայությունից։
Հանդիպման ընթացքում քննարկվել են Գերմանական Կարմիր խաչի Բադեն-Վյուրտեմբերգի երկրամասային կազմակերպության և ՀՀ պաշտպանության նախարարության համագործակցության հնարավորություններին առնչվող հարցեր, մասնավորապես` թեժ գծի օպերատորների վերապատրաստման, առաջին օգնության դասընթացների և դաշտային պայմաններում խոհանոցի կազմակերպման պատրաստության ուղղություններով: