Սուրեն Պապիկյան. Լոռու մարզպետի պաշտոնը պատվից զատ նաև ծանր բեռ է
«Առաջիկա ընտրություններն իսկապես փորձաքար են հանդիսանալու նոր Հայաստանի համար, որտեղ վստահության խաթարված մթնոլորտը վերականգնելու նպատակով մենք պետք է գործենք բացառապես օրենսդրությամբ մեզ վերապահված իրավասությունների շրջանակներում»,- ասել է Տարածքային կառավարման և զարգացման նախարար Սուրեն Պապիկյանը՝ Լոռու նորանշանակ մարզպետ Անդրեյ Ղուկասյանին ներկայացնելիս։
Նախարարը և կոչ արել պատվով հաղթահարել պետականության բարօրությանն ուղղված մարտահրավերը։
Անդրադառնալով առաջիկայում սպասվող համապետական ընտրություններին՝ նախարարն ընդգծել է, որ թե՛ տեղական ինքնակառավարման մարմինները, թե՛ տարածքային կառավարման մարմինները, թե՛ գործադիր իշխանությունն անհրաժեշտ բոլոր ջանքերը պետք է գործադրեն վերջին 25 տարիների ընթացքում Հայաստանի Հանրապետությունում նախադեպը չունեցող ազատ և արդար կամարտահայտությամբ ընտրություններ կազմակերպելու ու անցկացնելու համար։
Նախարարության հասարակայնության հետ կապերի վարչության փոխանցմամբ, Սուրեն Պապիկյանը նշել է, որ հետհեղափոխական Հայաստանն այժմ թևակոխում է զարգացման մի նոր և շատ կարևոր փուլ, որտեղ սիրո ու հանդուրժողականության մթնոլորտի ապահովումը պետք է լինի յուրաքանչյուրի խնդիրը։
Շնորհավորելով և նորանշանակ մարզպետին՝ Սուրեն Պապիկյանը հավելել է, որ Լոռու մարզպետի պաշտոնը պատվից զատ նաև ծանր բեռ է, ուստի հորդորել է տարածքային կառավարման և տեղական ինքնակառավարման մարմիններին համագործակցաբար սիրո, խաղաղության և անդորրի մթնոլորտ հաստատել մեր համայնքներում։
Հարակից հրապարակումներ`
- Լոռու մարզպետը կարծում է, որ հեղափոխությունը մարզ կհասնի, լոռեցիներն էլ դժգոհ չեն լինի
- Գեղարքունիքի, Վայոց Ձորի և Լոռու մարզպետները նշանակվեցին
- Լոռու փոխմարզպետը հրաժարական է ներկայացրել
Լրահոս
Տեսանյութեր
«Տավուշը հանուն հայրենիքի» շարժման անդամները քայլերթով գալու են Երևան. Բագրատ Սրբազան