Այսօր Աղետների ռիսկի նվազեցման միջազգային օրն է
1989 թվականից հոկտեմբերի 13-ն ամբողջ աշխարհում նշվում է որպես աղետների ռիսկի նվազեցման (ԱՌՆ) միջազգային օր: ՄԱԿ-ի գլխավոր ասամբլեան ԱՌՆ միջազգային օրը համարում է միջոց՝ ԱՌՆ լավագույն փորձի տարածման, անվտանգության մշակույթի ձևավորման, ռիսկերի կանխարգելման, նվազեցման և պատրաստվածության բարձրացման համար:
Հայկական Կարմիր խաչը ընկերությունից հայտնուն եմ, որ Այս տարի շարունակվում է «Սենդայ յոթ» արշավը, որը նպատակ ունի հերթով իրագործել Սենդայի գործողությունների ծրագրի յոթ թիրախները։ 2018 թվականին պետությունները կաշխատեն 3-րդ նպատակի ուղղությամբ՝ մինչև 2030 թվականը նվազեցնել աղետների տնտեսական կորուստները՝ գլոբալ ՀՆԱ-ի համեմատ։ 2017 թվականին ընտրված էր 2-րդ թիրախը՝ մինչև 2030 թվականը նվազեցնել աղետներից տուժածների թիվը։
Արդեն երկար տարիներ է, ինչ Աղետների կառավարումը Հայկական Կարմիր խաչի ընկերության (ՀԿԽԸ) ռազմավարական ուղղություններից է: Նպատակ ունենալով նվազեցնել բնակչության խոցելիությունը և բարձրացնել համայնքների դիմակայունությունը՝ բնական ու տեխնածին աղետների նկատմամբ, ՀԿԽԸ-ն այս ուղղությամբ լայնածավալ ծրագրեր է իրականացնում Հայաստանի խոցելի համայնքներում, ինչը ներառում է
• մասնակցություն ոլորտի հայեցակարգային փաստաթղթերի մշակմանը
• խոցելի համայնքների խոցելիության գնահատում, կարիքների հայտնաբերում և կարողությունների զարգացում
• աղետներին առավել ենթակա տարածքներում երեխաների և դպրոցների կարողությունների զարգացում՝ աղետներին առավել լավ պատրաստվելու և դիմակայելու համար
• աղետների արձագանքման համար համայնքային կամավորական թիմերի ստեղծում, մասնագիտական գույքի տրամադրում և ուսուցում
• աղետներին արձագանքման համար մարզային թիմերի ստեղծում, մասնագիտական գույքի տրամադրում և ուսուցում
• աղետներին և արտակարգ իրավիճակներին հրատապ և արդյունավետ արձագանք՝ կարիքների գնահատում, մարդասիրական օգնության տրամադրում
• իրազեկում (աղետների ռիսկի նվազեցում, կլիմայի փոփոխություն)
«Հայկական Կարմիր խաչի ընկերությունը (ՀԿԽԸ), լինելով Կարմիր խաչի և Կարմիր մահիկի միջազգային շարժման լիիրավ անդամ, առաջնորդվում է Շարժման հիմնարար սկզբունքներով` Մարդասիրություն, Անկողմնակալություն, Չեզոքություն, Անկախություն, Կամավորություն, Եզակիություն, Համընդհանրություն։ Հանդիսանալով կառավարությանն աջակցող կառույց՝ մարդասիրական ոլորտում, ՀԿԽԸ-ն արդեն 98 տարի է գործունեություն է ծավալում հանրապետության ամբողջ տարածքում հետևյալ ռազմավարական ուղղություններով՝ աղետների կառավարում, բնակչության տեղաշարժ, սոցիալ – առողջապահություն, առաջին օգնություն, երիտասարդական, Կարմիր խաչի հիմնարար սկզբունքների և մարդասիրական արժեքների տարածում և այլն:
ՀԿԽԸ առաքելությունն է նվազեցնել բնակչության խոցելիությունը` մարդասիրության ուժի մոբիլիզացմամբ, նախապատրաստվել դիմակայելու այն իրավիճակներին, որոնք կարող են բնակչության խոցելիության պատճառ դառնալ, ցուցաբերել անհրաժեշտ օգնություն` սատարելով սոցիալ-տնտեսական ծանր պայմաններում գտնվող մարդկանց»,- ասվծա է ընկերության տարածած հաղորդագրության մեջ։
Աղետների ռիսկի նվազեման Սենդայի գործողությունների ծրագրին առավել մանրամասն կարող եք ծանոթանալ հետևալ այս հղումով, իսկ աղետների կառավարման ուղղությամբ ՀԿԽԸ ծրագրերին՝ այստեղ։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին