Ձեր վստահելի աղբյուրը

«ՀՀԿ-ն ասում է, որ միակ ընդդիմությունը իրենք կարող է լինել, բայց գոյություն ունի քաղաքագիտություն, որի համաձայն ընդդիմությունն ապագա իշխանությունն է, իսկ Հայաստանի Հանրապետության քաղաքացին ՀՀԿ-ին չի տեսնում որպես ապագա իշխանություն»,- այս մասին խորհրդարանում լրագրողների հետ ճեպազրույցում ասաց «Լուսավոր Հայաստան» կուսակցության ընտրական ցուցակը գլխավորող Էդմոն Մարուքյանը:

Նրա խոսքով՝ Հանրապետականից նոր են պրծնում. «Ո՞նց կարող ենք մենք, ՀՀ քաղաքացիներս ուզենալ, որ ՀՀԿ-ն լինի ապագա իշխանություն»

Մարուքյանը շեշտեց, որ իրենք պայքարելու են ԱԺ-ում երկրորդ ուժը լինելու համար։

Ի պատաստան լրագրողների հարցին, թե ՀՀԿ-ին իրենց մրցակից են տեսնու՞մ, Մարուքյանն պատասխանեց. «Նախկին իշխանությունների մասին հնարավորինս քիչ ենք խոսելու քարոզարշավի ժամանակ, խոսելու ենք մեր ծրագրերից։  Հիմա նոր քաղաքական ուժեր կլինեն, որոնք կասեն՝ «այ էն ժամանակ», իսկ մենք ինչ որ կար, ասել ենք հենց այդ ժամանակ։

Ես իմ ասելիքները Սերժ Սարգսյանի աչքերի մեջ նայելով եմ ասել, ով այն ժամանակ լռել է, այսօր է խոսում, նրանք թող մտածեն, ես բան չունեմ ասելու»։