Լիանա Ստեփանյանը լիահույս է, որ «Սասնա Ծռեր»-ը սպառիչ բացատրություն կտա
«Սասնա Ծռեր համահայկական կուսակցության պատգամավորության թեկնածու Լիանա Ստեփանյանն արձագանքել է երեկ կուսակցության քարտուղարության տարածած հայտարարությանն առ այն, որ Ստեփանյանի հետ առաջացել են անհամատեղելի մոտեցումներ։
Պատգամավորության թեկնածուի տարածած հաղորդագրության մեջ ասված է.
«Հայտնում եմ, որ ինքս եմ ցանկանում ստանալ հրապարակային բացատրություն, մեկնաբանություն Սասնա Ծռեր համահայկական կուսակցության Քարտուղարությունից` արված հայտարարության վերաբերյալ: Նշեմ, որ անձամբ ինձ հետ քարտուղարությունը չի ունեցել զրույց այն մասին, որ մեր միջև կա մոտեցումների անհամատեղելիություն: Կարծում եմ՝ այս հայտարարության հիմքում ընկած է տարրական թյուրըմբռնում:
Լիահույս եմ, որ Սասնա Ծռեր համահայկական կուսակցության Քարտուղարությունը կտա սպառիչ բացատրություն, որով կհաստատի այն, որ «Սասնա Ծռեր» համահայկական կուսակցությունը, որի հիմնադիր անդամն եմ հանդիսանում ես՝ Լիանա Սամվելի Ստեփանյանս, հիրավի հանդիսանում է արդարության, ժողովրդավարության, ազնվության, բազմակարծության, լայնախոհության, իրավունքի գերակայության, օրինապահության, հանդուրժողականության սկզբունքների կրողն ու իրացնողը»։
Հարակից հրապարակումներ`
- «Սասնա Ծռեր». Լիանա Ստեփանյանի հետ առաջացել են անհամատեղելի մոտեցումներ
- «Коммерсантъ FM». Պե՞տք է մեզ արդյոք այսպիսի դաշնակից
Լրահոս
Տեսանյութեր
«Հավերժի ճամփորդներ». Զոհված տղաների պատմություններն ու երազանքները՝ առցանց ցուցադրությամբ