Որևէ բան չի փոխվել. Թևան Պողոսյան
«Նոր բան չկա։ Պատերազմը չի ավարտվել։ Պատերազմի ակտիվ ռազմական փուլերից մի կողմ ենք անցել, տեղեկտավական պատերազմի վրա ենք ավելի մեծ շեշտը դրել»,- լրագրողների հետ հանդիպմանն ասաց Մարդկային զարգացման միջազգային կենտրոնի ղեկավար Թևան Պողոսյանը՝ խոսելով ղարաբաղյան հիմնախնդրի կարգավորման խնդրի մասին։
Նրա խոսքով, ամեն կողմն իր շահերից ելնելով մի քիչ ավելի հանգիստ ու հանդարտ է առաջնագծում, սահմանի վրա և այս ժամանակահատվածը պետք է օգտագործել պատրաստվելու հաջորդ հնարավոր սցենարների զարգացմանը։
«Ադրբեջանը եթե նույնիսկ առաջնագծում չի անում դիվերսիա, դիպուկահարների կրակոցներ, միգուցե մենք այնպես ենք նախապատրաստել մեր իրավիճակը, որ հաջողությունների չի հասնում, չի էլ ուզում ստանա փոքրիկ անհաջողությունների դաշտ։ Բայց արդյոք դադարել է իր ինժեներական աշխատանքները, զենք գնելը, արդյոք դադարել է հայտարարություններ անելը, որ մեկ է՝ ամեն ինչ վերցնելու ենք։ Որևէ բան չի փոխվել, չեմ հիշում, որ ասված լինի՝ այսօր տեղի է ունենալու բանակցություններ։ Հանդիպումների մակարդակ են ասում, բայց դեռ բանակցային գործընթացում առաջընթաց չկա։ Հակառակը՝ դիրքերի մասին են ավելի շատ խոսում»,- ասաց Թ. Պողոսյանը։
Նա ընդգծեց, որ այս այս ժամանակը պետք է ճիշտ օգտագորել, աշխատել հզորացնելու ու ճիշտ սցենարներ մշակելու վրա։
Ասուլիսին ներկա քաղաքագետ, միջազգայնագետ Սուրեն Սարգսյանը չի կարծում, որ 2019 թվականին ինչ-որ խնդիր է կարգավորվելու, կամ ինչ-որ հարց է լուծվելու։
«Բանակցային գործընթացում որևէ լուրջ փոփոխություն, շոշափելի փոփոխություն տեղի չի ունենա։ Կողմերի մոտեցումներն ու պատկերացումները չափազանց տարբեր են, բոլորիս համար պարզ է չէ, որ մի բան մեզ համար ընդունելի է, իրենց համար ընդունելի չէ»,- նշեց նա։
Ս. Սարգսյանի կարծիքով, խաղաղ բանակցային գործընթացը կշարունակվի, բայց այս գործընթացում լուծում տեսնելը գոնե այս դրությամբ չափազանց դժվար է։
«Ադրբեջանի արկածախնդրությունը կրկնվելու միտում ունի։ Չեմ բացառում, որ ապրիլյան դեպքերի նման ինչ-որ մի բան նորից նախաձեռնվի Ադրբեջանի կողմից։ Եթե գործ ունես ոչ ադեկվատ, անկանխատեսելի հարևանի հետ, որը ցանկացած ժամանակ կարող է դիվերսիոն գործողության հրաման տալ, որը կարող է լինել մեծամասշտաբ, փոքրամասշտաբ, բնական է, որ պետք է միշտ պատրաստ լինես պատերազմի, եթե խաղաղություն ես ուզում»,- ասաց քաղաքագետը։
Հարակից հրապարակումներ`
- Մենք երբևիցե չպետք է մոռանանք, որ Ադրբեջանը հայատյաց պետություն է
- ԱԳՆ մամուլի խոսնակը՝ Միլանում ձեռք բերված փոխըմբռնման վերաբերյալ
- Արցախում ամեն ինչ շատ խաղաղ է, հանգիստ. Գառնիկ Իսագուլյան
- Արցախում փոփոխություններ եղել են, և դրանք չպիտի ազդեն մեր անվտանգության վրա. Պողոսյան
- Ինձ համար մերժելի է Փաշինյանի՝ Արցախի իշխանություններին ուղղած տոնայնությունը. Ալավերդյան
- Զախարովա․ ՌԴ-ն ակտիվորեն կնպաստի ղարաբաղյան հակամարտության գլխավոր նպատակին հասնելու դրական դինամիկային
- Ադրբեջանը կենտրոնանում է արժույթի, մենք՝ արժեքների վրա. Դավիթ Բաբայան
- ԵՄ ներկայացուցիչ․ ԵՄ-ն ակնկալում է Ղարաբաղյան հակամարտության շուրջ բովանդակային բանակցություններ
- Բոլտոն․Ղարաբաղյան հակամարտության կարգավորումը ռազմավարական կարևորություն ունի
- Նախկին համանախագահ. Բոլտոնը Երևանում ու Բաքվում կքննարկի ղարաբաղյան հարցը
- ԱԳ նախարար․ Ղարաբաղյան հակամարտության վերաբերյալ ձևակերպում կլինի Ֆրանկոֆոնիայի գագաթաժողովի փաստաթղթում
- Մոսկվան ողջունում է Ղարաբաղյան խնդրի կարգավորման դրական միտումները․ Զախարովա