Ձեր վստահելի աղբյուրը

«Ես կենթարկվեմ ցանկացած քաղաքական որոշման։ Եթե որոշվի, որ ԱԱԾ-ն պետք է դառնա նախարարություն, իհարկե, ես պարտավոր եմ ենթարկվել այդ որոշմանը, բայց նաև ուզում եմ ասել, որ ամեն դեպքում, նախարարը քաղաքական պաշտոն է։ Եթե ԱԱԾ նախարարը լինի քաղաքական գործիչ ու զբաղվի քաղաքականությամբ, փորձելու է, ուզի թե չուզի, փորձելու է առաջ տանել իրենց քաղաքական ուժին, քաղաքականացվելու է», - ասաց Արթուր Վանեցյանը։

Լրագրողների դիտարկմանը, թե այս դեպքում ստացվում է բանակը քաղաքակա՞ն է, ԱԱԾ տնօերնն արձագանքեց. «Բանակը նախարար ունի, բայց ունի նաև Գլխավոր շտաբի պետ, որը որևէ կապ չունի քաղաքականության հետ ու իրականացնում է զորքի անմիջական ղեկավարումը»:

Խոսելով ԱԱԾ հաշվետվողականությունի՝ նշեց. «Այն արատավոր պրակտիկան, երբ ԱԱԾ-ն չէր պատասխանում հարցումներին վերացված է, վերջին 10 ամիսներին չկա մեկ դեպք, որ մենք չենք պատասխանել որևէ հարցի, իհարկե,  եթե այդ հարցը չի պարունակում պետական գաղտնիք»։

Լրագրողները հետաքրքրվեցին նաև «Երևան հիմնադրամի» կողմից պետբյուջե ուղղված է գումարներից, ինչին ի պատասխան ասաց. «Գործի շրջանակներում հիմնավորվել է 1 մրդ 807 մլն դրամի կորուստ, որն ամբողջությամբ վերականգնվել է պետբյուջե «Երևան հիմնադրամի» կողմից»։

Անդրադառնալով ՀՀ երկրորդ նախագահ Ռոբերտ Քոչարյանի ընտանիքին պատկանող բիզնեսների մասին իր նախկինում արված հայտարարությանը՝ ասաց «Ինչ վերաբերվում է իմ հայտարարությանը՝ Քոչարյանի ընտանիքին պատկանող բիզնեսների հետ կապված, ապա քրեական գործ կա հարուցված, իրականացվում է քննություն և արդյունքների մասին կլինի համապատասխան հայտարարություն ԱԱԾ քննչական դեպարտամենտի կողմից»։