Ձեր վստահելի աղբյուրը

«Նարեկ Մալյանի վրա հարձակումը Հայաստանում ստեղծված իրավիճակի աղաղակող դրսևորումներից մեկն է, որի ամբողջական պատասխանատվությունը կրում է գործող իշխանությունը՝ վարչապետի գլխավորությամբ»,- այս մասին այսօր լրագրողների հետ հանդիպմանն ասաց ՀՀԿ փոխնախագահ Արմեն Աշոտյանը։

«Անպատասխանատվության, անպատժելիության մթնոլորտը, որ ստեղծվել է մեր երկրում, երկար ամիսների պատմություն ունի գործող իշխանություների պատախանատվության ներքո, այս ամենը տեղի չէր ունեն, եթե երկրում իրոք ստեղծվեր հանդուրժողականության մթնոլորտ։ Այդ ամենը տեղի չէր ունենա, եթե Մարալիկի հայտնի դեպքերից հետո իրավապահ մարմինները չկոծկեին այդ գործը, տեղի չէր ունենա, եթե համալսարանի ռեկտորի կոբինետ ներխուժելու փաստը նույնպես դառնար իրավապահ մարմինների ուշադրության առարկա»,- նշեց Աշոտյանը։

Նրա խոսքով՝ այդ ամենը հետևանք է նաև հասարակությունը յուրայինների և քննադատների բաժանելու և, ըստ այդ բաժանման վերաբերելու հանգամանքի։

«Ակնկալում, պահանջում եմ իրավական համակարգից այս անգամ իրականացնել օրենքով նախատեսված ամբողջական գործընթաց։ Մեղավորները հայտնի են, խոսքը գնում է բացառապես իրավական դաշտում մեղավորներին պատժելու մասին և կանխելու Հայաստանում նման փողոցային ժողովրդավարության կամ անհանդուրժողոանության հետևողական դրսևորումները»,- հավելեց ՀՀԿ փոխնախագահը։

Հիշեցնենք, որ ոստիկանությունը հաղորդագրություն էր տարածել անցած գիշեր «Ես համալսարանական եմ» նախաձեռնության հիմնադիր Նարեկ Մալյանի վրա կատարված հարձակման վերաբերյալ։