Լոնդոնն ու Մոսկվան ուսումնասիրում են Մեյի ու Պուտինի հանդիպման հնարավորությունները
Պաշտոնական Լոնդոնը Մոսկվայի հետ քննարկում է հարաբերությունների մասնակի ապասառեցման և Բրիտանիայի վարչապետ Թերեզա Մեյի ու ՌԴ նախագահ Վլադիմիր Պուտինի հանդիպման անցկացման հնարավորությունները՝ Սոլսբերիում տեղի ունեցած միջադեպից հետո: Այս մասին, ինչպես հաղորդում է Tass-ը, գրել է The Guardian թերթը:
Հաղորդվում է, որ բրիտանական կողմը դեռևս վստահ է, որ Ռուսաստանը պատասխանատու է Սկրիպալների թունավորման համար, սակայն որոշակի պայմաններում այն պատրաստ է Ռուսաստանի Դաշնության հետ հարաբերությունները վերականգնել: Հրապարակման մեջ ասված է, որ Բրիտանիայի արտաքին գործերի նախարարությունը կարող է բավարար համարել Մոսկվայի այն հայտարարությունը, որ Սոլսբերիում տեղի ունեցածի նման դեպքերը չպետք է կրկնվեն:
Նշում է, որ Մեյը, ով կհեռանա պաշտոնից հուլիսի սկզբին, հնարավորություն կունենա հանդիպելու ՌԴ նախագահի հետ G20 գագաթնաժողովում, որը տեղի կունենա հունիսի 28-29-ը Օսակայում։ Սա կլինի համաշխարհային առաջնորդների վերջին հանդիպումը, որին կարող է ներկա լինել Բրիտանիայի վարչապետը: Միևնույն ժամանակ, նշվում է, որ հանդիպումը կարող է տեղի ունենալ միայն այն դեպքում, եթե երկու կողմերը գտնեն, որ այն արդյունավետ կլինի ու կկարողանան համաձայնեցնել ընդհանուր օրակարգը։
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին