Ձեր վստահելի աղբյուրը

Հնդկաստանի վեցերորդ քաղաքը՝  Չենայը,  ջրի աղետալի պակաս է  զգում: Քաղաքի ջրային պաշարները  չորանում են, և քաղաքի բնակիչները ստիպված են բեռնատարներից շշալցված ջուր վերցնել, որոնք ամեն օր ջուր են բերում քաղաք, փոխանցում է vesti.ru-ն:

Չենան  ամենացայտուն է օրինակն է , որի բնակիչները տառապում են ջրի պակասից: Այնուամենայնիվ, սա  հեռու է  մեր մոլորակի միակ այդպիսին լինելուց:

ՄԱԿ-ի տվյալներով ՝ մոլորակի 10 մարդուց 4-ը տառապում են ջրի պակասից: Ստորև կներկայացնենք 10 քաղաքները, որոնք շուտով կարող են հայտնվել ծանր ճգնաժամի մեջ ՝ բավարար քանակությամբ խմելու ջրի բացակայության պատճառով:

Քեյփթաունում ջրի լուրջ պակասը տեղի է ունեցել 2017 և 2018 թվականներին, երբ ջրամբարներում ջրի մակարդակը կազմել է մոտ 13,5%: Այսպիսով, քաղաքը հայտնվել է  ճգնաժամի եզրին: Քաղաքի բնակչությունը կազմում է 4 միլիոն մարդ:

ՄԵԽԻԿՈ, ՄԵՔՍԻԿԱ
Մեխիկոյի ջրային խնդիրները սերտորեն կապված են քաղաքի աշխարհագրական դիրքի հետ: Քաղաքը կառուցվել է մի հովտում, որը զուրկ է ցանկացած ջրային աղբյուրներից: Ջրի մեծ մասը պահվում է ստորգետնյա պահեստում:  Քաղաքը   երկու անգամ ավելի ջուր է «դուրս տալիս»,  քան՝  ներս մղում: Սա հանգեցնում է նրան, որ պահեստում ջրի մակարդակը աստիճանաբար իջնում է, ինչը մեծացնում է ճգնաժամի ռիսկը, հատկապես քաղաքի ցածր եկամուտ ունեցող բնակիչների շրջանում:

ԵԳԻՊՏՈՍ, ԿԱՀԻՐԵ
Կահիրեի ջրի հիմնական աղբյուրը Նեղոս գետն է: Փաստորեն, ամբողջ Եգիպտոսը կախված է Նեղոսից, որը  երկրի ընդհանուր կարիքների  97% -ն է կազմում: Այնդուհանդերձ, Կահիրեում բնակչությունն արագորեն աճում է, և ակնկալվում է, որ առաջիկա 50 տարում բնակչության թիվը կկրկնապատկվի: Այսպիսով, գիտնականները գալիս են այն եզրակացության, որ արդեն մինչև 2025 թվականը Կահիրեի բնակչությունը կունենա   աղետալի աստիճանի հասնող  ջրի պակաս: Մյուս կողմից էլ , աղբի  անբավարար վերամշակման խնդիր կա,  որն էլ հանգեցրել է   Նեղոսի աղտոտմանը:

ՏՈԿԻՈ, ՃԱՊՈՆԻԱ
Տոկիոն աշխարհի ամենամեծ քաղաքն է, որը տառապում է ջրի պակասից:  Քաղաքն ուղղակիորեն կախված է ստորերկրյա ջրային աղբյուրներից, ինչպիսիք են  ձյունը հալոցքը, լճերը, գետերը, ինչպես նաև չորս ամսվա հորդառատ անձրևները, որոնք ապահովում են ջրամատակարարման 70% -ը:

ՋԱԿԱՐՏԱ, ԻՆԴՈՆԵԶԻԱ
Ինդոնեզիան կանգնած է ջրի աղտոտման լուրջ խնդրի առաջ: Երկրի ջրային մարմինների մինչև 70% -ը խիստ աղտոտված է: Մայրաքաղաքում ՝ Ջակարտայում, ջրամատակարարման համակարգից ջուրը հասանելի է բնակչության կեսից ավելին: Բացի այդ, այն աշխարհի ամենաարագ խորտակվող քաղաքներից մեկն է: 40% -ով այն արդեն ծովի մակարդակից ցածր է:
Ամեն տարի քաղաքը սուզվում է 7-20 սմ-ով, ինչը վտանգ ՝ստորերկրյա ջրերի  համար:

ՍԱՆ-ՊԱՈՒԼՈ, ԲՐԱԶԻԼԻԱ
2014 թվականին քաղաքում իրավիճակը կտրուկ վատացավ, երբ   ջրի պաշարները նվազեց 3% -ից ցածր: 20 օրից պակաս ջուր էր մնացել: Այս պայմաններում, ոստիկանները ստիպված ուղեկցում էին ջրով լի  բեռնատարները , որպեսզի գողություն չլինի:
Ենթադրվում է, որ ճգնաժամի պատճառը Բրազիլիայում 2014 - 2017 թվականների ընթացքում  վրա հասած  ուժեղ երաշտն էր:
Քաղաքի կենտրոնական ջրամբարները չափազանց աղտոտված են  օգտագործման համար, կա   նաև   31%  ջրի կորուստ:  Վերլուծաբանները կանխատեսում են, որ Ամազոնի  անտառահատումը կհանգեցնի նրան, որ Սան Պաուլոյում ջրի հիմնական աղբյուրը կվերջանան:

ՊԵԿԻՆ, ՉԻՆԱՍՏԱՆ
Համաձայն  2017 թվականի  Greenpeace-ի   Արևելյան Ասիայի փորձագետների կողմից կազմված զեկույցի, Պեկինի ջրի գրեթե 40% -ը աղտոտված է այնքանով, որ այն պիտանի  չէ օգտագործման համար: Բացի այդ, քաղաքը   տարեկան գրեթե 10 սմ-ով սուզվում է , ինչը կրճատում է գրունտային ջրերի քանակը:
Ջրի սակավության   պատճառով Պեկինը ներդրումներ է կատարում   հարավից հյուսիս ջուր  տեղափոխելու ծրագրի համար: Այնուամենայնիվ, այս նախագիծը դժվար թե  երկարաժամկետ հեռանկարում լուծի խնդիրը:

ԲԱՆԳԱԼՈՐ, ՀՆԴԿԱՍՏԱՆ
Քաղաքի որոշ շրջաններում, հատկապես կենտրոնից հեռու, բնակիչներն ուղղակի  ջուր չունեն: Այս տարածքները միացված չեն քաղաքի հիմնական զարկերակին, ուստի չոր եղանակը կարող է շատ արագ չորացնել  պաշարները:
Արդյունքում քաղաքում հայտնվել է  այսպես կոչված «ջրային մաֆիա», որը հեռավոր շրջանների բնակիչներին ստիպում է հսկայական գումարներ տալ ՝ իրենց տները ջուր մատակարարելու համար:

ՄԵԼԲՈՒՐՆ, ԱՎՍՏՐԱԼԻԱ
Մելբուրնը տուժեց  Ավստրալիայի ամենամեծ ՝Հազարամյակի երաշտի պատճառով: Քաղաքը դրանից տուժեց 1997 թվականից մինչև 2009 թվականը: Այդ ժամանակից ի վեր այն վերականգնվել է ճգնաժամից, բայց բնապահպանները կարծում են, որ քաղաքում ջրի հետ կապված իրավիճակը շարունակում է վտանգված լինել՝  անտառահատման պատճառով:Փաստն այն է, որ ջրային աղբյուրների մեծ մասը գտնվում են անտառային ջրավազաններում, ուստի անտառահատումը կհանգեցնի դրանց կրճատմանը:

ԼՈՆԴՈՆ, ՄԵԾ ԲՐԻՏԱՆԻԱ
Լոնդոնի դեպքում զարմանալի է, քանի որ քաղաքը հայտնի է   անձրևներով: Այնուամենայնիվ, Լոնդոնում նույնպես  բախվել են  ջրի պակասին՝   մի շարք պատճառներով: Դրանցից հիմնականը՝  քաղաքի բնակչության կտրուկ աճն է, որը  հանգեցրել է ջրային աղբյուրների աղտոտմանը: Գիտնականները կարծում են, որ, ընդհանուր առմամբ, Անգլիայում ջուրը կվերջանա  25 տարի անց: