Վրաստանի Գորի քաղաքում վթարի հետևանքով ծանր վնասվածքներ ստացած քույրն ու եղբայրն արդեն առողջ են
Անցած ամռանը՝ Վրաստանի Գորի քաղաքի մոտակայքում վթարի հետևանքով ծանր մարմնական վնասվածքներ ստացած և «Սուրբ Աստվածամայր» բկ տեղափոխված 15-ամյա տղան ու նրա քույրը կրկին կենտրոնում են:
ԲԿ-ից մանրամասնում են, որ այս մեկ տարվա ընթացքում և քույրը և եղբայրը եղել են կենտրոնի բժիշկների էտապային հսկողության տակ:
.Տղան Թբիլիսիի Իաշվիլիի անվան կլինիկայից «Սուրբ Աստվածամայր» ԲԿ էր տեղափոխվել ծայրահեղ ծանր վիճակում, միացված արհեստական շնչառության սարքին, նա վիրահատվել էր, կատարվել էր ոսկրաբեկորների համադրում, ֆիքսացիա՝ մետաղական հարթակով և պտուտակներով:
.Այժմ կատարվել է մետաղական հարթակի և պտուտակների հեռացում: Գտնվում է վերականգնողական թերապիայի փուլում, որից հետո կվերադառնա իր բնականոն կյանքին:
.Քույրը ևս լիովին առողջ է: Աղջկա մոտ ախտորոշվել էր գանգաթաղի գծային կոտրվածք, անրակի կոտրվածք, կրծքավանդակի սալջարդ, ձախ թոքի սալջարդ, երկու կողերի և չորս ողերի կոտրվածքներ: Նա հաջողությամբ վիրահատվել էր:
Լրահոս
Տեսանյութեր
Սա քաղաքական գործընթաց է, անթույլատրելի քաղաքական որոշումներ. Թաթոյանը՝ սահմանազատման մասին