Ձեր վստահելի աղբյուրը

Կառավարության այսօրվա նիստում հաստատվեց «Վիճակախաղի կամ անմիջականորեն տոտալիզատորի յուրաքանչյուր կազմակերպչի բուքմեյքերական գրասենյակի կամ անմիջականորեն (խաղասրահի միջոցով) տոտալիզատորի կազմակերպման գործունեության իրականացման վայրի՝ կրթական և պատմամշակութային օջախներից, պետական և տեղական ինքնակառավարման մարմինների վարչական շենքերից, հիվանդանոցներից հեռավորությունը և չափանիշները հաստատելու մասին» որոշումը:

Հարցը ներկայացնող Ֆինանսների նախարար Ատոմ Ջանջուղազյանը հիշեցրեց, որ Ա Ժ-ի և կառավարոթյան ջանքերով օրենսդրական փոփոխություններ են կատարվել խաղային ոլորտի բնագավառներում՝ նպատակ ունենալով հասարակության հատկապես խոցելի սոցիալական խավի ներկայացուցիչներին  հետու պահել այն վտանգներից, որոնք կապված են մոլախաղերով հրապուրվելու հետ: Նրա խոսքով, նախագծով սահմանվում են այն ձափանիշները, որոնց պետք է բավարարեն բնակավայրերում համապատասխան գործունեություն ծավալող կազմակերպությունները և այն հեռավորությունները, որոնք պետք է պահպանվեն կրթական և պատմամշակութային օջախներից, պետական և տեղական ինքնակառավարման մարմինների վարչական շենքերից, հիվանդանոցներից:

Նախարարը հայտնեց, որ որոշման շնորհիվ հավասարակշռությամբ կկանոնակարգվի այդ գործունեությունը և կմեղմվի հասարակության զգայուն շերտի՝ մոլախաղով հրապուրվելու վտանգները:

Նախագծով սահմանվում է, որ բուքմեյքերական գրասենյակի կամ անմիջականորեն տոտալիզատոր կարող է կազմակերպվել միայն շինությունում՝ զբաղեցնելով նշված շինություններն ամբողջությամբ կամ այդ շինության մեջ առանձնացված մեկ միասնական ոչ բնակելի տարածքը:

Բուքմեյքերական գրասենյակի կամ անմիջականորեն (խաղասրահի միջոցով) տոտալիզատոր կարող է կազմակերպվել միայն այն շինությունում, որը`

1) Երևան քաղաքի յուրաքանչյուր վարչական շրջանում՝ ուղիղ գծով առնվազն 150 մետր,Կոտայքի մարզի վարչական կենտրոնում և Ծաղկաձոր համայնքի վարչական սահմաններում, Գեղարքունիքի մարզի վարչական կենտրոնում  և Սևան համայնքի վարչական սահմաններում, Արարատի, Արմավիրի, Արագածոտնի, Լոռու և Շիրակի մարզերի վարչական կենտրոններոււմ` ուղիղ գծով առնվազն 100 մետր, իսկ Վայոց ձորի մարզիվարչական կենտորոնում և Ջերմուկի համայնքի վարչական սահմաններում, Սյունիքի մարզիվարչական կենտորոնում և Մեղրի համայնքի վարչական սահմաններում և Տավուշի մարզի վարչական կենտորոնում` ուղիղ գծով առնվազն 50 մետր հեռու է որևէ կրթական և պատմամշակութային հաստատություններից, պետական և տեղական ինքնակառավարման մարմինների վարչական շենքերից, հիվանդանոցների տարածքներից,

2) վիճակախաղի կազմակերպման գործունեության իրականացման համար նախատեսված շենք-շինությունների՝ խաղասրահների, բուքմեյքերական գրասենյակների` յուրաքանչյուր սպասարկման սրահի ընդհանուր մակերեսը չիգերազանցում 200 քառակուսիմետրը: Վիճակախաղերի կազմակերպիչները պարտավոր են ապահովել նաևառնվազննախասրահի, դրամարկղի, սանհանգույցիառկայությունը,

3) նախասրահը պետք է գտնվի խաղասրահի կամ բուքմեյքերական գրասենյակի հիմնական մուտքին հարակից առանձնացված սրահում, որտեղ պետք է իրականացվեն հաճախորդների նույնականացումը՝բացառելով քսանմեկ տարին(վիճակախաղի դեպքում՝ տասնութ տարին)  չլրացած ֆիզիկական անձանց և Լիազոր մարմնի կողմից տրամադրված՝ դատարանի օրինական ուժի մեջ մտած վճռով մոլեխաղերով հրապուրվելու հետևանքով իր ընտանիքը նյութական ծանր դրության մեջ դնելու հիմքով սահմանափակ գործունակ ճանաչված անձանց մուտքը խաղասրահ կամ  բուքմեյքերական գրասենյակ: