Աշխատում ենք պատերազմական հանցագործությունների մեջ կասկածվող անձանց դեմ միջազգային իրավունքի նորմեր կիրառելու ուղղությամբ. Տարոն Սիմոնյան
«Մեր գործընկերները եվրոպական երկրներում սկսել են նախապատրաստել գործընթաց համընդհանուր իրավազորության ուժով պատերազմական հանցագործություններ կատարած անձանց նկատմամբ քրեական հետապնդում նախաձեռնելու ուղղությամբ, որը նշանակում է, որ ադրբեջանում պատերազմական հանցագործությունների մեջ կասկածվող անձինք, ովքեր դորս կգան եվրոպական երկրներ, նրանց նկատմամբ քրեական հետապնդու կսկսվի հենց այդ երկրներում»,- ԱԺ ճեպազրույցների ժամանակ հայտնեց «Լուսավոր Հայաստան» խմբակցության պատգամավոր Տարոն Սիմոնյանը: Վերջինս նկատեց, որ եթե դա հայկական կողմին հաջողվի մենք կունենանք այնպիսի իրավիճակ, որ թշնամու ռազմաքաղաքական ղեկավարությունից շատերը հնարավորություն չեն ունենա ոտք դնել քաղաքակիիրթ աշխարհի շատ պետություններ:
Սիմոնյանը հայտնեց, որ այդ նպատակով խմբակցությունը համախմբել է ՀՀ-ում և նրա սահմանից դուրս հայ և ոչ միայ հայ գործընկերերին, որոնք մեծ ներդրում ունեն միջազգային իրավունքի կիրառման ասպարեզում: Նա հայտնեց, որ համագործակցում են Մարդու իրավունքի գրասենյակի հետ, որպեսի միջազգային իրավունքի բոլոր խախտումները, որոնք տեղի են ունեցել Ադրբեջանի և Թուրքիայի կողմից վեր հանվեն և պատշաճ ներկայացվեն մարդու իրավունքների պաշտպանությամբ զբաղվող միջազգային և տարածաշրջանային կառույցներում:
Պատգամավորը հիշեցրեց, որ Մարդու իրավունքների Եվրոպական դատարանում արդեն երկու միջանկյալ միջոց կա կիրառված:
Էդմոն Մարուքյանն էլ հայտնեց, որ իրենք պահանջել են փակ հանդիպում վարչապետի հետ, որը դեռ չի կայացել և ընդդիմությունը որևէ տեղեկություն չունի, թե բանակցային ձևաչափով ինչ հանդիպումներ են տեղի ունենում:
Ըստ Մարուքյանի, բանակցություններ սկսվելու դեպքում հայկական կողմը պետք է ամեն ինչ անի, որպեսզի մարտի դաշտի ձեռքբերումները դիվանագիտական մակարդակում արձանագրվեն:
«Լուսավոր Հայաստան» խմբակցության ղեկավարը չգիտի, թե ինչու է այսօր Ադրբեջանի արտաքին գործերի նախարարը գնում Ժնեև, իսկ ՀՀ արտաքին գործերի նախարարը՝ երկուշաբթի Ռուսաստան:
Մարուքյանը կարևոր համարեց Արցախի այն հայտարարությունը, որ ինքն էլ պետք է մասնակցի բանակցություններին և հիշեցրեց, որ 1994 թվականի պայմանագրի կնքման ժամանակ Ղարաբաղն իր սուբյեկտայնությունը ամբողջությամբ իրականացրել է: Ըստ նրա այսօր էլ հրադադարի կնքման դեպքում Արցախը պետք է ներգրավված լինի, քանի որ հրադադար հաստատողը ինքն է:
Էդմոն մարուքյանը պատասխանելով լրագրողի հարցին, հայտնեց, որ քանի դեռ հրադադար չի հաստատվել չի կարելի ասել 1994 թվականի հրադադարի պայմանագիրը պետք է ուժի մեջ մնա, թե նորը պետք է կնքվի:
Լրահոս
Տեսանյութեր
Ունենք մի իշխանություն, որ լավ լինելը չի երաշխավորում, վատ լինելը հաստատ երաշխավորում է. Ռուստամյան