Արա Սաղաթելյան. Կնքված պայմանագիրը բարդ հետևանքներ է ունենալու հայ ժողովրդի համար, ապրելու է թշվառ ու աղքատ
«Կոչ եմ անում բոլորին դուրս գալ փողոց, հասնել նրան, որ վարչապետի աթոռն ապօրին զբաղեցրած Նիկոլ Փաշինյանը հրաժարական տա»,- «Նիկոլ հեռացիր» ակցիայի ընթացքում բերման ենթարկելու ժամանակ ասաց ԱԺ աշխատակազմի նախկին ղեկավար Արա Սաղաթելյանը։
Նրա խոսքով, դրանից հետո պետք է ձևավորվի ժամանակավոր կառավարություն, ստեղծված իրավիճակում մասնագետները կարողանան շտկել ինչ հնարավոր է շտկել կնքված փաստաթղթում։
«Ցանկացած քաղաքացի այսօր պետք է դուրս գա փողոց, իր քաղաքացիական դիրքորոշումը արտահայտի, քանի որ հերիք չէ քաղաքական պայմանագիրը, որը կնքված է, բարդ հետևանքներ է ունենալու Հայաստանի Հանրապետության, հայ ժողովրդի համար, դեռ գալիք դժբախտությունները, դրանց թվում Ադրբեջանի կողմից միջազգային դատարաններում ներկայացրած հայցերը, բերելու է նրան, որ այս ժողովուրդն ապրելու է թշվառ և աղքատ։ Այդ պատճառով ես գտնում եմ, որ ցանկացած քաղաքացի պետք է դուրս գա փողոց ու արտահայտի իր բողոքի ձայնը»,- ասաց Արա Սաղաթելյանը։
Նա և այլ քաղաքացիներ փակել էին Բաղրամյան փողոցի երթևեկելի հատվածն ու պահանջում հայկական հողերը թշամուն հանձնելու հայտարարության ներքո իր ստորագրությունը դրած վարչապետ Նիկոլ Փաշինյանի հրաժարականը։
Հարակից հրապարակումներ`
- «Նիկոլ, Հեռացիր» ակցիայի ժամանակ ոստիկանները տարան Տիգրան Աբրահամյանին, Արա Սաղաթելյանին, Արմեն Մինասյանին
- Պրոդյուսեր Ռուբեն Մխիթարյանն ու Փաշինյանի հրաժարականը պահանջող այլ քաղաքացիները Գյումրիում փողոցներ են փակել
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ