Ձեր վստահելի աղբյուրը

«Դավաճանը, ոճրագործը, հողատուն, երբ փորձում է գալ այստեղ, դա ինքնին մեր սրբությունները պղծելու քայլ է։ Այստեղ ենք խանգարելու, չթողնելու համար»,- Եռաբլուրում լրագրողների հետ զրույցում ասաց ազատամարտիկ Շահե Աճեմյանը։

Հիշեցնենք, որ Հայաստանում եռօրյա սուգ է հայտարարված, այսօր ժամը 13։00-ին Հանրապետության հրապարակից սգո երթ է կազմակերպվում դեպի Եռաբլուր Նիկոլ Փաշինյանի մասնակցությամբ։ Ազատամարտիկները Եռաբլուրում են, նրանք հավաքվել են՝ թույլ չտալու համար Նիկոլ Փաշինյանի մուտքը Եռաբլուր։

«Մենք դեմ ենք, որ Նիկոլ Փաշինյան կոչեցյալ դավաճանը պղծի Եռաբլուրը։ Մատաղացու արեց 5-6000 18-20 տարեկան տղաների։ Փառքն ու պատիվը, արյունը գետնով արեց, ոտնահարեց։ Բոլորի հաղթանակը, պատիվը, արյունը, քրտինքը, տարիներով պահածը  խլեց մեզանից»,- ասաց ազատամարտիկը։

Շ. Աճեմյանի խոսքով, Նիկոլ Փաշինյանը պետք է հրաժարական տա, բայց այսօր իր թափթփուկների հետ փորձում է գալ Եռաբլուր։

«Գալիս է մարդկանց հետ, ովքեր կյանքում երևի Եռաբլուրում չեն եղել, իսկ իմ նման տղաները Եռաբլուրը հիմնված օրվանից տիրություն ենք անում։ Այսօր էլ պետք է տիրություն անենք, չթողնենք մեր սուրբ տղաներին պղծեն։

Ինքը քաղաքական դիակ է, լսել չենք ուզում իրեն, հաշվի առնել իր ասածը, մեզ համար սատկած դիակ է, թուրքի սատկած դիակ է»,- ասաց Շ. Աճեմյանը։

Ազատամարտիկ Պավլիկ Մանուկյանի խոսքով, մեր պարտության հիմնական պատճառը  ներքին դավադրությունն է։

«Ինքը այստեղ չպետք է գա, դա իրենց համար տոնակատարություն է, իսկ ողջ հայության համար արծիվների ոստան է։ Շնագայլերն այստեղ ոտք դնելու իրավունք չունեն։  Մեր գլխին դարձել է  էլիտար չարիք, ինքն այստեղ ոտք չի դնելու։ Այստեղ աղբ չպետք է ոտք դնի։ Դասալիքներն այստեղ ոտք դնելու իրավունք չունեն։ Իշխանությունը  պետք է օր առաջ հեռանա»,- նշեց նա։

Պ.Մանուկյանը նրա հեռանալը պատկերացնում է  ճիպոտով։