2008-ի փետրվարին Առաջին նախագահը Ազատության հրապարակում «Մանվե՛լ» ու «Գագի՛կ» էր կանչում․Ռ․ Մելիքյան
Իրավապաշտպան Ռուբեն Մելիքյանը ֆեյսբուքի իր էջում գրում է․
«Եթե սխալվում եմ՝ ուղղեք։
Ես լավ հիշում եմ, որ 2008-ի փետրվարին Առաջին նախագահը Ազատության հրապարակում «Մանվե՛լ» ու «Գագի՛կ» էր կանչում։ Նկատի ուներ Պաշտպանության փոխնախարարներ, գեներալներ Մանվել Գրիգորյանին և Գագիկ Մելքոնյանին: Ես լավ հիշում եմ, որ հրապարակում հավաքված մարդիկ ակնկալում էին նշված գեներալներին տեսնել ոչ թե ծաղիկների, այլ տանկերի ուղեկցությամբ։
Մանվելն ու Գագիկը չեկան։ Ո՛չ տանկերով և ո՛չ էլ ծաղիկներով։ Իսկ Առաջին նախագահն այսօրվա հայտարարությամբ «ռազմական հեղաշրջումը» որակել է որպես կործանարար երևույթ։
Չե՞ք տեսնում հակասություն։
ՀԳ. Առաջին նախագահից ավելի բարձր՝ հարթակից «Մանվե՛լ» և «Գագի՛կ» էր կանչում ապագա դավաճանը, ապագա ազգակործան ստահակը»։