2020 թ. արձանագրվել է զգալի ցածր հարկային եկամուտների մակարդակ, և պակասուրդի ավելացում. Ատոմ Ջանջուղազյան
«Նախորդ տարի ծախսերի մասով որևէ պարտավորություն չի նվազեցվել, հակառակը՝ առաջարկվել է նոր պարտավորությունների իրականացում, քանի որ ճգնաժամային իրավիճակում փոխվում է նաև սպասումը բյուջեից»,- ԱԺ ֆինանսավարկային և բյուջետային հարցերի մշտական հանձնաժողովի նիստում՝ 2020 թվականի բյուջեի ինն ամիսների կատարողականի քննարկման ժամանակ հայտարարեց ֆինանսների նախարար Ատոմ Ջանջուղազյանը:
Նախարարի ներկայացրած թվերը սակայն հակառակի մասին էին խոսում: Ջանջուղազյանը հայտնեց, որ 2020 թվականի ինն ամսվա ծրագրով ծախսերի համար նախատեսված ցուցանիշը կատարվել է 84.4 տոկոսով, իսկ եկամուտները կատարվել է 98.8 տոկոսով,:
Նա հիշեցրեց, որ 2020 թվականին Հայաստանում արձանագրվել է 7.6 տոկոս տնտեսական անկում:
Ֆինանսներ նախարարը տեղեկացրեց, որ իրականացվել են հակաճգնաժամային միջոցառումներ՝ մեղմելու ճգնաժամի բացասական ազդեցությունը:
«Գիտակցելով, որ տնտեսական անկումն ու հարկային եկամուտների ցածր մակարդակն անխուսափելի են, առաջարկվել է այդ իրավիճակին համապատասխան հարկաբյուջետային քաղաքականություն՝ ծախսերը չեն նվազել, արձանագրվել է զգալի ցածր հարկային եկամուտների մակարդակ, և դրա գինը պակասուրդի ավելացումն էր, որը հնարավոր է միայն պետական պարտքի մակարդակի փոփոխությամբ»,- հայտարարեց Ջանջուղազյանը:
Հարակից հրապարակումներ`
- Այս եռամսյակում հարկային ընդհանուր եկամուտները պակասել են 16,1 միլիարդ դրամով. էդվարդ Հովհաննիսյան
- Փողերի լվացման գործերով մեղադրական դատավճիռները չափազանց քիչ են, իսկ երբեմն էլ առհասարակ չեն լինում. Արկադի Խաչատրյան
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ