Հարձակում է եղել իր տան բակում մեքենան կայանող ռազմական ոստիկանության մայորի վրա. Պահեստազորի սպաներ
«ԱԱԾ պահեստազորի սպաների միություն» ՀԿ-ն հայտարարություն է տարածել՝ կոչ անելով չանցնել թույլատրելիության սահմանները.
«Մայիսի 30-ին հարձակում է եղել իր տան բակում մեքենան կայանող ռազմական ոստիկանության մայորի վրա։ Դաժան ծեծի արդյունքում ստանալով ծանր մարմնական վնասվածքներ՝ սպան շտապօգնության մեքենայով, ոստիկանների ուղեկցությամբ տեղափոխվել է հիվանդանոց։
Այս ամենը հաստատող տեսագրությունը կա, մեքենայի պետհամարանիշը ֆիքսված է, հարուցվել է քրեական գործ, սակայն մեր «փառապանծ» իրավապահներն առ այսօր չեն կարողանում բացահայտել հանցագործին։ Ավելին՝ տուժողի հետ որևէ քննչական գործողություն չի իրականացվել։
Վերը նշված ավագ սպան մեր կառույցի խորհրդի անդամներից մեկի որդին է։ Ինչ՝ ինչ, գոնե հանուն համազգեստի պատվի պիտի բացահայտվեր այս գործը։
Հունիսի 16-ին Երևանի քաղաքապետարանից կապ են հաստատել մեր կառույցի հիմանդիրներից մեկի տիկնոջ հետ, ով քաղաքապետարանի ենթակայությամբ գործող պետական հիմնարկի աշխատակից է և պահանջել անձնական էջում լայքերով կամ որևէ այլ կերպ չարձագանքել ԱԱԾ պահեստազորի սպաների միության հրապարակումներին։
Հետևել է տիկնոջ շատ կտրուկ, արժանավայել հակադարձումը՝ չներխուժել անձնական տիրույթ, չխոչընդոտել ի նպաստ հայրենիքի սեփական քաղաքացիական դիրքորոշումն արտահայտելուն։ Պաշտոնյայի արձագանքից ենթադրվում է հետևելիք քայլեր։
Սա է իրականությունը, այսպիսին է նիկոլական Հայաստանը։ Մենք հասկանում ենք այս գործողությունների իմաստը և դուք գիտեք, որ կարող ենք կտրուկ հակազդել։ Զգաստացե՛ք»։
Հարակից հրապարակումներ`
- Փաշինյանը շարունակել է բարբաջել Սյունիքով Նախիջևան բացվելիք, մեզ համար աղետալի հետևանքներ ունենալիք միջանցքից. Պահեստազորի սպաներ
- Պահեստազորի սպաներ. Հիշենք Բաքվի ու Սումգայիթի դեպքերը
- ԱԱԾ պահեստազորի սպաներ. Ադրբեջանում գերեվարվածներից թիրախավորվում են հատկապես 50-ն անց մարդիկ
- ԱԱԾ պահեստազորի սպաներն ահազանգում են՝ խոստանում են համաներում քվեարկության դիմաց
- Աբովյանի դիահերձարանի հատակին մեր ազգային արժանապատվությունն ու հավաքական պատիվն է. ԱԱԾ պահեստազորի սպաների միություն
- ԱԱԾ պահեստազորի սպաներ. «Շակալը», այդպիսին էր գործակալի ծածկանունը
Լրահոս
Տեսանյութեր
Ոստիկանները Բագրատ Սրբազանին և ԱԺ պատգամավորներին թույլ չեն տալիս մուտք գործել Կիրանց