Ձեր վստահելի աղբյուրը

«Աշխատանք կամ պատվաստում․ ո՞ր տարբերակը կընտրեն քաղաքացիները» թեմայով քննարկմանը առողջապահության նախարարության հիվանդությունների վերահսկման և կանխարգելման ազգային կենտրոնի փոխտնօրեն Նունե Բակունցը նախ ուշադրություն հրավիրեց, որ քննարկման անվանումը ճիշտ չէ, քանի որ խոսքը աշխատանք կամ պատվասման մասին չէ, հրամանը պահանջում է ՊՇՌ թեստի բացական պատասխան։

Միաժամանակ հավելեց, որ կան բացառությունն՝ պատվասված անձը, հղի կանայք, պատվասման  բացարձակ հակացուցում ունեցող մարդիկ, այնպես որ խոսքը  գնում՝ աշխատանք կամ պատվաստում։

«Կորոնավիրուսի դելտա շտամով վարակվածների մոտ հիվանդության ընթացքն  ավելի ծանր է լինում, մահացության դեպքերը շատ են, հիվանդությունը երիտասարդացել է։ Եթե կորոնավիրուսի դեպքում նախկինում 65 տարեկանից բարձրն էր ռիսկային խումբը, դելտա շտամի պարագայում 65-ից բարձրն արդեն միակը չէ, հիմնական հիվանդացողները 25-ից բարձր խումբն է, հիմականում աշխատող մարդիկ։  Ռիսկային խմբի փոփոխությունը ևս այն հիմնավորումներից է, որ մտցվել է այս կարգավորումը»,- ասաց Ն. Բակունցը։

Նա նշեց, որ կանխարգելիչ միջոց է պատվաստումը, փրկում է մահերից, ծայրահեղ ծանր ու ծանր դեպքերից, մեծ տոկոս դեպքերում ընդհանրապես հիվանդանալուց։

Քննարկմանը ներկա Ռեստորանների ասոցիացիայի նախագահ Աշոտ Բարսեղյանն ասաց, որ գործարարների մի ստվար զանգվածի անունից անհամաձայնության է հայտնում առողջապահության նախարարության դիրքորոշմանը, չի կարելի արդարացնել առողջապահական որևէ գործողություն իրավական սխալ որոշումներ կայացնելով։

Նա նշեց, որ ոչ մի գործատու համաձայն չէ այդ հրամանի հետ։ Ա. Բարսեղյանն ասաց, որ Աշխատանքային օրենսգրքի 133-րդ հոդվածով գործատուն իրավունք չունի թեստի կամ պատվաստման բացակայության դեպքում աշխատանքից ազատի աշխատակցին։

Նա նշեց, որ առողջապահության նախարարությունն անցած տարի վատ է կատարի իր տնային աշխատանքը, դիմակայել այս վարակին, միլիարդավոր դրամներ ծախսել հյուրանոցներում կացարան ապահովելու պարզապես կոնտակտավորների համար։

«Արդյունավետ աշխատանք կատարելու փոխարեն առողջապահության նախարարությունը արդեն որերորդ տարին է հանդես է գալիս անտրամաբանական, ոչ հիմնավորված քայլերով»,- ընդգծեց Ա.Բարսեղյանը։

«Իրավունքի զարգացման կենտրոն» ՀԿ նախագահ Վիոլետ Զոփունյանը վստահ է, որ  այն  փաստաբանները, իրավաբանները, ովքեր մեկ անգամ կարդացել են հրամանը կամ նախագիծը, ոչ թե մեկ հակասություն կարող են նշել, այլ հակասությունների փաթեթ, հակասում է Սահմանադրությանը, որից պետք է բխեն մնացած իրավական ակտերը, կան խտրականության իրավունքի կոպիտ խախտումներ, որոշ անձինք արտոնյալ դիրք են զբաղեցրել ընդհանուր ցանկում։