Ուսումնասիրվել են 20 հազար 297 արցախցի ընտանիքների առաջնային կարիքներն ու կորուստները
Արայիկ Հարությունյանը հոկտեմբերի 14-ին հրավիրել է աշխատանքային ընդլայնված խորհրդակցություն, որի ժամանակ ներկայացվել են 2020թ.-ի պատերազմի հետևանքով տուժած բնակչության կորուստների, կարիքների, ընկալումների և դիմակայության վերականգնման ու զարգացման հնարավորությունների վերաբերյալ մեծամասշտաբ հետազոտության արդյունքները, որն իրականացվել է ԱՀ աշխատանքի, սոցիալական և միգրացիայի հարցերի նախարարության և Հայաստանի սոցիալական աշխատողների ասոցիացիայի կողմից՝ «Աննա Աստվածատուրյան» հիմնադրամի և «Ավրորա» մարդասիրական նախաձեռնության աջակցությամբ:
Ինչպես հաղորդում են ԱՀ նախագահի աշխատակազմից, ուսումնասիրվել են Արցախում և ՀՀ-ում գտնվող 20 հազար 297 արցախցի ընտանիքների առաջնային կարիքներն ու կորուստները, մարդկային կապիտալն ու առկա ռեսուրսները, ապագայի պլաններն ու մտադրությունները, ինչպես նաև հանրային բազմաբնույթ ծառայություններից օգտվելու մատչելիությունը:
Ծանոթանալով հետազոտության արդյունքներին՝ Հարությունյանը նշել է դրանց կարևորությունը պետական ծրագրերի հստակեցման և հասցեականության բարձրացման առումով։ Երկրի ղեկավարը, մասնավորապես, նշել է, որ որոշումներ կայացնելիս պետք է հաշվի առնվեն նաև ներկայացված տվյալները, որոնք ծրագրերն առավել արդյունավետ կդարձնեն:
Հանդիպման ընթացքում հանձնարարվել է նաև գյուղական համայնքներում ապաստանած տեղահանված ընտանիքների հետ աշխատանքներ սկսել նորանշանակ սոցիալական աշխատողների ընդգրկմամբ՝ պարզելու տնտեսական ակտիվացման համար նրանց ցանկությունները, կարիքներն ու հնարավորությունները, և, ըստ այդմ, 2022թ.-ի պետական բյուջեում նախատեսել համապատասխան ծրագրեր ու միջոցներ:
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ