Մենք չպետք է հետնահանջ արձանագրենք Հաշվեքննիչ պալատի բարեփոխումներից. Արծվիկ Մինասյան
«Միջազգային համաձայնագրերի կարևոր պահանջներից մեկն այն է, որ մենք չպետք է հետնահանջ արձանագրենք արդեն իսկ ձեռք բերված հնարավորություններից»,-այսօր խորհրդարանում հայտնեց «Հայաստան» խմբակցության քարտուղար Արծվիկ Մինասյանը՝ ելույթ ունենալով «Հաշվեքննիչ պալատի մասին» օրենքում լրացումներ և փոփոխություններ կատարելու մասին նախագծի քննարկման ժամանակ:
Նա նկատեց, որ Հաշվեքննիչ պալատի գործունեության բարելավումն ամրագրված է Լիմայի և միաջացգային այլ համաձայնագրերով:
Արծվիկ Մինասյանը նշեց, որ առաջարկվող փոփոխությունները քննարկվել է Ֆինանսավարկային և բյուջետային հարցերի մշտական հանձնաժողովում և կարևորվել, որ դրանք ամբողջական փաթեթով կատարվեն, սակայն օրինագծի հեղինակ ՔՊ պատգամավոր Գևորգ Պապոյանը որդեգրել է մոտեցում, որ սկզբից իր հեղինակած փոփոխություններն արվեն, հետո նոր ամբողջական փաթեթին անցնեն:
Նախագծով նախատեսված է, որ Հաշվեքննիչ պալատն իր գործունեության ընթացքում բացի քաղծառայող համարվող հաշվեքննողներից գործընթացում ներգրավի նաև փորձագետներ և մասնագետներ, քանի որ գործող օրենքով վերջիններիս որոշումները հաշվեքննվող օբյեկտի ղեկավարների և մյուս սուբյեկտների կողմից ենթակա չէին պարտադիր կատարման և առաջարկվում է այդ սահմանափակումը հանել:
Արծվիկ Մինասյանը հայտնեց, որ երկու առարկություն ունի նախագծի վերաբերյալ և պարզաբանեց, որ գործող օրենքով նախատեսված է, որ յուրաքանչյուր եռամսյակի վերջին երեք օրվա ընթացքում Հաշվեքննիչ պալատի նախագահը ԱԺ-ին է ուղարկում ողջ տարվա համար նախատեսված եզրակացությունների ցանկը և ըստ ամիսների դրանց բաշխվածությունը:
«Սա ԱԺ հանձնաժողովին թույլ էր տալիս ըստ կատարվելիք ծրագրի բաշխել աշխատանքները և լիարժեք դիտարկել պալատի կատարելիք աշխատանքները, սակայն առաջարկվող փոփոխությամբ հանվում է հաշվետու լինելու այդ դրույթը»,-նկատեց «Հայաստան» խմբակցության պատգամավորը:
Մինասյանի խոսքով՝ գործող օրենքում ասվում է, որ Հաշվեքննիչ պալատը սահմանում է չափորոշիչներ պալատի կառուցվածքային ստորաբաժանումներում աշխատանքի ընդունվողների համար, ինչպես նաև հաստատում է քաղծառայողների մասնագիտական շարունակական զարգացման ծրագրերը, բայց այդ դրույթը նույնպես հանվել է:
Պատգամավորը գտնում է, որ այդ դրույթը Հաշվեքննիչ պալատին թույլ էր տալիս ծրագրով բյուջեից գումար ստանալ և զարգացում ապահովել:
Ֆինանսավարկային և բյուջետային հարցերի մշտական հանձնաժողովի նախագահ, օրենքի հեղինակ Գևորգ Պապոյանը հայտնեց, որ առաջին եռամսյակի հաշվետվության պահանջը օբյեկտիվորն չի գործել, դրա համար էլ հանվում է, իսկ քաղծառայողների մասին դրույթն չի հանվել, այլ տարվել է այլ հոդվածի ներքո:
Արծվիկ Մինասյանը հայտնեց, որ «Հայաստան» խմբակցությունը դեմ է քվերակելու նախագծին:
Հարակից հրապարակումներ`
- 2004 թ.-ին մենք 4000-ից ավելի լույս տղերք չէինք կորցրել, Շուշին չէինք հանձնել, Հադրութը չէինք նվիրել. Գեղամ Նազարյան
- Կարող է չէ՞, ողջամիտ կասկած կամ մտավախություն լինել` ինչու Ռուբինյանը նշանակվեց ՀՀ ներկայացուցիչ. Ագնեսա Խամոյան
- Կանեմ այն, ինչը որ կուզեմ. Ռուբեն Ռուբինյանի ընդհարումը «Հայաստան» խմբակցության հետ
- Ստեղ մեկը կա, որ կարող է կանգնի իմ դիմաց ու ասի՝ ես Թուրքիայի ազդեցության գործակա՞լ եմ. Ռուբեն Ռուբինյան
- Պետության կողմից ԱԺ-ն արդյո՞ք լիազորել է Ռուբինյանին ՀՀ անունից բանակցություններ վարել Թուրքիայի հետ. Գեղամ Մանուկյան
- Պարոն Պապիկյան, ձեզ հարկատուները չեն վճարում, որ դուք որոշեք, թե ով է լրագրող, ով՝ ոչ․ Ագնեսա Խամոյան