Ձեր վստահելի աղբյուրը

«Միլիոն անգամ ասել եմ, այդ կենդանուն ոչ մեկը չի ուզում սպանել, այդ կենդանու կյանքը, կեղտոտ արյունը մեզ պետք չէ, բայց այդ կեղտոտից մենք ուզում ենք իմանալ ամբողջ շղթան, թե որտեղի՞ց եկավ, ո՞վ նրան բերեց, ովքե՞ր են այդ ամբողջ շղթայի մեջ»,-«Հայելի»  մամուլի ակումբում հայտարարեց ոստիկանության պաշտոնաթող գնդապետ Սայաթ Շիրինյանը՝ հիշեցնելով, որ Աշոտ Մինասյանի՝ Փաշինյանի դեմ մահափորձի հայտնի գործում իրեն էլ էին ժամանակին ներգրավել:

Նա հայտարարեց, թե չի կասկածում, որ գործող իշխանությունները հանցագործ են և այն իր կարծիքն է, որը հիմնված է որոշակի փաստերի վրա:

Շիրինյանի խոսքով՝ համակարգված կոռուպցիան այսօր է և պնդեց, որ նախկին թալանի մասին ոչ մի հիմնավոր գործ չի հասցվել իրավական ավարտի, քանի որ անհիմն են եղել:

Շեշտելով, որ սահմանների բացումը, խաղաղության դարաշարջանի գաղափարը պատահակ չի եղել, այլ վաղուց են ունեցել՝ Շիրինյանն ասաց. «Իրենց այդ խաղաղության դարաշրջանին, սահմանների բացմանը փաստորեն խանգարում էին այն 5000 պայծառ տղերքը: Արյան գնով դու բերում ես խաղաղությո՞ւն… Արյան գնով հողեր են ազատագրվում... Արյան գնով հողե՞ր են հանձնվում, այրան գնով չեն տրվում, ինչպես Նիկոլենք տրվեցին ադրբեջանցիներին, թուրքերին և ռուսներին, դա էլ ասեմ»:

Դիտարկելով Ռուսաստանի դեմ իրականացվող հակաքարոզչությանը՝ ասուլիսի բանախոսն ասաց. «Հո ռուսներից հայ չենք ձուլելու, իրենք էլ իրենց խնդիրներն ունեն: Հիմա ռուսն ել ասում է՝ ինչ լավ է էս Նիկոլը օգտագործվող է, ու օգտագործում են»:

Հիշատակելով նախօրեին իրեն դիմակներով բերման ենթարկելու դեպքը՝ Սայաթ Շիրինյանն ասաց. «Այդ մասկի-շոուն, որ սարքում եք, այ տգետներ, եթե ԱԱԾ-ն, ոստիկանության սպեցն ամեն օր մի թուրքի այդպես ասֆալտին փռեր, այդ 41 քառակուսի կիլոմետրը լրիվ ազատագրված կլիներ»։

Ըստ նրա՝ ձեռնաշղթաներով իրեն Մարտունի հասցնելուց հետո առնվազն պետք է կալանավորեին, ոչ թե ազատ արձակեին անբավարար հիմքերով: