Վարդևանյան. Այս իշխանությունները մեկ տարում ստեղծեցին բառացիորեն կալանքի դատարաններ
«Մենք պատկերացնում ենք, որ մի օր դատախազությունը, ԲԴԽ-ն գալու են, հայտարարեն՝ սիրելի հայրենակիցներ, մենք իրականացնում ենք քաղաքական հետապնդում կամ սելեկտիվ արդարադատությո՞ւն։ Դա երբեք չեք տեսնելու»,- ԱԺ-ում լրագրողների հետ զրույցում ասաց ԱԺ «Հայաստան» խմբակցության պատգամավոր Արամ Վարդևանյանը:
Նրա խոսքով, նույնիսկ Խորհրդային Միության ռեպրեսիաների ժամանակ սովետական իշխանությունից երբեք չէին լսի, որ ռեպրեսիաներ են իրականացնում, բայց բոլորը հասկանում էին, որ իրականացվում են ռեպրեսիաներ:
«Սա այդ դեպքերից մեկն է: Ցավով պետք է նշեմ, որ ԲԴԽ-ն, որը Սահմանադրությամբ օժտված է այնպիսի կարգավիճակով, որ պաշտպանի դատավորներին, երաշխավորի դատավորների անկախությունը, իրականում ճիշտ հակառակն է անում: Միաձայն որոշել է, որ դատավոր Բորիս Բախշիյանին թող հետապնդեն, թող տանեն, կալանավորեն: Իսկ ԲԴԽ 9 անդամների մոտ հարց չի առաջանո՞ւմ, որ դատավոր Բորիս Բախշիյանին հիշել են հենց հիմա: ... Ցանկացած անաչառ դիտորդ, որ այս ամենը տեսնի, կարո՞ղ է ենթադրել կամ համոզված լինել նրանում, որ այստեղ ոչ մի պատահականություն չկա: Եթե հիմա են հետապնդում սկսել, բացառապես պայմանավորված է նրանով, որ կոնկրետ այս դատավորը վերջին ժամանակահատվածում ցուցաբերել է իրական անկախություն:
Կարծես Աշոտ Երկաթի գործը համբերության բաժակը լցվելու վերջին փուլն էր»,-ասաց նա:
Ա.Վարդևանյանը ուղիղ հարցով դիմեց ՀՀ-ում ԵՄ դեսպանին, ԱՄՆ դեսպանին՝ իրենք իսկապե՞ս պատկերացնում են, որ այսպիսի հասարակությունն է ժողովրդավար, այսպիսի ապօրինություններն են ողջամիտը, պատգամավորներին 6 ամիս կալանավորած պահելն է ժողովրդավարությանը բնորոշ:
Նա նաև հարց ուղղեց ՀՀ իշխանությանը՝ իրենք իսկապե՞ս հավատում են, որ սա ժողովրդավարություն է, ոչ թե բռնապետություն և իրենք ուզում են Հայաստանը լինի այսպիսին։
«Ոչ մի իշխանություն հավերժ չէ։ Սադամ Հուսեյն էլ էր ասում, որ ոչ մեկի նկատմամբ ռեպրեսիա չի իրականացվում, որ Իրաքի դատարաններն աշխարհի ամենաարդար դատարաններն են, իրավապահներն էլ բարեխիղճ են, բայց մարդկանց տանում էին, տարիներով անազատության մեջ էին պահում, այլակարծությունն էին ճնշում, ԶԼՄ ներկայացուցիչներին էին քաշքշում: Սա՞ է իրականում ժողովրդավարությունը»,- ասաց ընդդիմադիր պատգամավորը։
Հարցին՝ հնարավո՞ր է Բորիս Բախշիյանին կալանավորում են, որպեսզի հրամանատար Աշոտ Երկաթի, Քաջարանի քաղաքապետ Մանվել Փարամազյանի գործը մակագրվի այլ դատավորի, ով կալանավորման որոշում կկայացնի, Ա. Վարդևանյանը կարծիք հայտնեցին, որ նպատակը դա է եղել, որ անպայման լինի այլ դատավոր, որովհետև այս իշխանությունը չի կարողանում հանդուրժել իրական անկախ դատավորի։
«Այս իշխանությունները մեկ տարում ստեղծեցին բառացիորեն կալանքի դատարաններ, հատ-հատ ընտրեցին, թե ովքեր պետք է լինեն այնտեղի դատավորները:
Դուք չեք լսի մի դեպք, որ իշխանության հետաքրքրության պայմաններում մի գործով այդ կալանքի դատարանները մերժեն կալանքը»,-ասաց Արամ Վարդևանյանը:
Հարակից հրապարակումներ`
- ՄԻՊ-ին դիմել են դատավորի փաստաբանները
- Դատավոր Բորիս Բախշիյանի նկատմամբ ԱԱԾ-ն հետաքրքրություն է ցուցաբերել ամիսներ առաջ՝ Փաշինյանի աջակցին կալանավորելու համար
- ԲԴԽ-ն վերածվել է ազդեցության և քաղաքական հրահանգներին չենթարկվող դատավորներին վախեցնելու և պատժելու գործիքի. Վարդևանյան
- ԲԴԽ-ն բավարարել է դատավոր Բորիս Բախշիյանին ազատությունից զրկելու վերաբերյալ գլխավոր դատախազի միջնորդությունը
- Դատավորներն այսօր հավաքվելու են Երևան քաղաքի դատարանի Աջափնյակի նստավայրի մոտ
- Արսեն Բաբայան. Հայերեն ասվել էր ժամանակին. կա՞ նենց մի դատավոր, որ կհամարձակվի իմ ասածը չանել
- Մեղք եք, ուշքի եկեք, հրաժարվեք մեր պետությունը քանդելու ազգադավ ծրագրից․ Ամրամ Մակինյան
- Ձուն գա գլխներիդ թե հաջողելու եք․ Միհրան Պողոսյան
- Արամ Վարդևանյան. Այս իշխանությունները շատ հստակ ապացուցում են, որ չեն հանդուրժում դատավորների անկախությունը
- Էրիկ Ալեքսանյան. Իմ աջակցությունն եմ հայտնում դատավոր Բախշիյանին
- Աշոտ Երկաթին ազատ արձակած դատավորի նկատմամբ հետապնդում է իրականացվում. Ալեքսանդր Ազարյանի հայտարարությունը
- Դատավորներ. Մտահոգիչ է տեսչական մարմնի միջամտությունը դատարանների և ԲԴԽ գործունեությանը
Լրահոս
Տեսանյութեր
Բագրատ Սրբազան. ՔՊ անդամներ արդեն իսկ ներքին ուղերձներ են հղում, թե ինչպես կարող են միանալ մեզ