Ձեր վստահելի աղբյուրը

Ազատամարտիկ Գևորգ Գևորգյանը «Հայելի» մամուլի ակումբում անդրադարձել է Բրյուսելի վերջին հանդիպման արդյունքներին և կոչով դիմել ժողովրդին և մտավորականությանը:

«Երեկ բրյուսելյան հանդիպումը մեզ հիմնավոր ուժ է տալիս սրանց դեմ պայքարը շարունակելու համար, որովհետև կրկին համոզվեցինք, որ սրանց ձեռագիրը չի փոխվում: Բրյուսելի հայտարարության մեջ Արցախի ինքնորոշման իրավունքի գաղափարը ձևակերպվել է Արցախի էթնիկ հայ բնակչության իրավունքների հարց, այսինքը՝ հակասում է մեր ազգային, պետական շահին:

Մենք կրկին համոզվում ենք, որ այս շարժումն իրավունք չունի մարելու մի պարզ պատճառով, եթե այն մարի, սրանք մեր երկիրն ամբողջությամբ կհանձնեն: Բրյուսելյան հանդիպումը մեզ ստիպում է իշխանության հեռացման պահանջով գործողություններին ավելի ուժեղ թափ հաղորդել: Սրանք եկել են հակաարցախյան, հակապետական, հակահայկական շարժմամբ՝ որպեսզի ոչնչացնեն մեր պետականությունը: Այսօրվա իշխանությունները գլոբալիստական ուժերի դրածոներն են, եկել են ոչնչացնելու մեր պետականությունը և թույլ չտալու, որ լինի ազգային պետականություն և մեզ, որպես հին մշակույթով ուժեղ ազգա, ցանկանում են բնաջնջել:

Մեր պայքարը հնարավոր չէ կասեցնել մի պարզ պատճառով՝ քանի հայի սիրտը և ոգին ամուր է՝ մենք միշտ հասնելու ենք հաջողության: Կապ չունի, թե ֆրանսիայի հրապարակում 300 հազար, թե 50 հազար մարդ կա,  բայց հավատացեք՝ 50 հազարով էլ մենք կարող ենք անել այն, ինչ այլ երկրներում կարողացել են անել միլիոններով»,-ասաց ազատամարտիկը:

Գևորգ Գևորգյանը ժողովրդին և մտավորականությանը կոչ արեց դուրս գալ վճառական պայքարի, որն անհատնեին չի վերաբերում, այլ՝ հայկական պետականությանը:

«Ես ցանկանում եմ կոչ հղել մեր ողջ հայ ժողովրդին, հատկապես՝ մտավորականությանը: Հայ մտավորականը միշտ կարևորագույն և առանցքային դեր է ունեցել մեր պատմության մեջ: Նախորդ դարի 80-ականների վերջի պայքարից սկսած, երբ Վիկոտ Համբարձումյանը, Սիլվա Կապուտիկյանը, Սոս Սարգսյանն այն առանցքային մտավորականներն էին, որոնք կարևորագույն դեր ստանձնեցին: Հիմա նույն կերպ կարևոր է մտավորականության գիտակցումը, որ այսօր անձերի պայքար չէ, այլ պետականության հարց է: Պետականություն, երկիր ենք կորցնում, ազգն ենք կորցնում, մեզ ենք կորցնում:

Քանի հոգու կկալանավորեն, դուրս կգա՞ք իրենց պաշտպանելու, թե ոչ, այն ձեր խղճի խնդիրն է, բայց հավատացած եղեք, որ այդ տղաները պայքարում են հանուն մեր ընդհանուր գաղափարի, մեր երկրի ու պետականության:

Մտավորական մարդը չի կարող հանգիստ քնի, հանգիստ ապրի, իր կենցաղով զբաղվի, երբ գիտի, որ իրենից անցնում էր մի քայլ անել՝ երկիրը փկելու, պայքարելու, կոչով մարդկանց ոտքի հանել և այն չի արել:

Մենք միշտ դաստիարակվել ենք հերոսներով մտավորականներվ և երբե չենք դաստիարակվել ծախու արարածներով:

Պատկերացրեք՝ կա մարդ, որը չունի գիտելիք, կրթություն և նրան ասում ես՝ դու պետք է կրթություն ստանաս, գիտելիք ունենաս և մարդ մեծանաս, ասում է՝ հեն է Նիկոլը, ո՛չ կրթույթուն ունի, ո՛չ գիտելիք, բայց դարձավ վարչապետ: Ասում ես՝ պետք է թասիբով լինես, պայքարող, կնոջ և երեխայի համար կանգնող լինես, պետք լինի՝ կռիվ տաս հանուն գաղափարի, պատասխանում են՝ տես Նիկոլը ոչ մեկի համար պայքար չէր մղում, կռիվ չէր տալիս, իր էությամբ վախկոտ մարդ էր և դարձավ վարչապետ: Ասում ես՝ գործ տալը հայ մարդունը չէ, չի կարելի նման բան անել և մարդու թիկունքից առնետական արարք դրսևորել, բան ունես ասելու, դիմացը կանգնի ասա, պատասխանում է՝ տեսնում եք՝ Նիկոլը սաղ կյանքը գործ էր տալիս դարձավ վարչապետ:

Մինչև հիմա խոսում էիք Անդրանիկից, Նժդեհից, Գևորգ Չաուշից, Արկադի Տեր-Թադևոսյանից, այսօր ամեն ինչ 180 աստիճան շուռ է տրվել: Մենք արդեն չենք կարող սերունդներին դաստիարակել առնականով, ազգայինով,  գաղափարով: Դրա համար, ժողովուրդ ջան, կոչ եմ անում բոլորիդ, հասկացե՛ք պահի լրջությունը, դանակը հասել է ոսկորին, հիմա Հայաստանն ենք կորցնում, գիտակցե՛ք այն»,-հայտարարեց ազատամարտիկը: