Մենք այս հրապարակից դուրս գալու որոշում չունենք․ Իշխան Սաղաթելյան
«Հայաստան» խմբակցության պատգամավոր Իշխան Սաղաթելյանը Ֆրանսիայի հրապարակում իր ելույթի ընթացքում ընդգծեց, որ գործող իշխանությունը խուճապի մեջ է, ինչի մասին են վկայում պաշտոնական տվյալները՝ անհնազանդության ակցիայի մասնակիցներին ձերբակալության մասին։
« Ոստիկանության պաշտոնական տվյալներով 35 օրերի ընթացքում բերման են ենթարկվել 2100 հոգի, իրականում այդ թիվն ավելի մեծ է։ Մեր հաշվարկներով՝ 2500 հոգու մասին է խոսքը։ Այս ընթացքում ձերբակալվել է 48 արժանապատիվ քաղաքացի,որից 27-ն արդեն կալանքի տակ են։ Մի քանի քրեկան գործեր կան հարուցված ,որ տարբեր քաղաքացիների առաջադրվել է մեղադրանք։ ՀՀ նորանկախ պատմության մեջ այս ծավալի ռեպրեսիաներ չեն եղել»,- իր ելույթում ասաց Իշխան Սաղաթելյանը։
Միևնույն ժամանակ նա շեշտեց, որ որևէ բռնություն կամ ճնշում շարժումը կասեցնել չի կարող։ Նա նաև շեշտեց, որ մինչ այս պահը որևէ ոստիկան չի ձերբակալվել։
«Չնայած այն բազմաթիվ փաստերին, ապացույցներին՝ համացանցում տեղ գտած հստակ դեմքերով ապացույցներին, մինչ այս պահը որևէ ոստիկան պատասխանատվության չի ենթարկվել։ Հետևաբար՝ դիմում եմ գլխավոր դատախազին, կան հստակ հրապարակված փաստեր և ապացույցներ, որոնք ամբողջությամբ բավարար են անմիջապես քայլեր ձեռնարկել ու ապօրինություններ գործած ոստիկաններին ձերբակալել։ Հակառակ պարագայում, ձեր քայլերով ու գործողություններով նպաստում եք նոր բռնությունների»։
Նրա համոզմամբ, եթե ժամանակին կանխեր ոստիկանների կողմից արված բռնության դեպքերն, ապա հունիսի 3-ի դեպքերը տեղի չէին ունենա։
«Կոչ եմ անում հրատապ քայլեր ձեռնարկել բռնություններ գործադրած ոստիկաններին պատասխանատվության ենթարկելու համար»։
Վրանները Ֆրանսիայի հրապարակից հավաքելու կամ պայքարը դադարեցնելու մասին խոսակցություններին անդրադառնալով, քաղաքական գործիչը հայտնեց․ « Այս վրանները ինքնանպատակ չենք տեղադրել։ Տեղադրել ենք, որովհետև նպատակ ունենք։ Մենք այս հրապարակից դուրս գալու որոշում չունենք»։
Նրա խոսքով՝ վրանները հանելու որոշում չկա։
«Եթե գտնենք, որ մարտավարության փոփոխության կարիք կա , գնանք այդ ուղղությամբ։ Այս պահին սա արդյունավետ է, վրանները պետք է մնա և մեր պայքարը նույն տեմպեվ շարունակում ենք»։
Ինչ վերաբերում է շարուժմը դադարեցնելու խոսակցություններին, Իշխան Սաղաթելյանն ընդգծեց՝ դադար չկա։
«Ով ուզում է դադար վերցնի,թող վերցնի։ Դադար վերցները նշանակում է տուն գնալ և սպասել թշնամում մեր տան բակում։ Այս շարժումը նահանջ չունի։ Այս շարժման նահանջը՝ հայ ժողովրդի նախաջն է և պետականության կորուստը։ Հետևաբար՝ հետ քայլ չկա, նահանջ չկա մինչև վերջ»։
Նա նշեց, որ քննարկում են,թե ինչպիսի մարտավարություն ընտրեն, որ շարժումը նոր թափ հավաքի և ընդլայնվի։
«Շաբաթվա վերջում հանդես կգանք շարժումն ընդլայնելու ծրագրային դրույթներով»,- ասաց նա։
Սաղաթելյանն իր խոսքի ավարտին կոչ արեց հանրահավաքի մասնակիցներին երթով շարժվել դեպի Դատախազություն, որտեղ կհնչեցնեն հստակ պահանջ և կսահմանեն ժամկետներ՝ երկրում տիրող անօրինություններին իրավական պատասխան տալու համար։
Լրահոս
Տեսանյութեր
Հայաստանում շատ են աշխատում, քիչ վճարվում. Աշխատանքի օրը՝ աշխատավորների խնդիրների մասին
